ભરૂચ : તમામ 9 તાલુકામાં સાર્વત્રિક વરસાદ, વાલિયા નેત્રંગમાં 1-1 ઇંચ વરસાદ

ભરૂચ શહેર અને જિલ્લામાં સતત 5 દિવસથી વરસાદી માહોલ જોવા મળી રહ્યો છે જ્યારે વિતેલા 24 કલાકમાં પણ જિલ્લાના તમામ 9 તાલુકામાં સાર્વત્રિક વરસાદ નોંધાયો હતો.

By Connect Gujarat Desk 25 Aug 2025 in ભરૂચ Featured

New Update

ભરૂચ શહેર અને જિલ્લામાં સતત 5 દિવસથી વરસાદી માહોલ જોવા મળી રહ્યો છે જ્યારે વિતેલા 24 કલાકમાં પણ જિલ્લાના તમામ 9 તાલુકામાં સાર્વત્રિક વરસાદ નોંધાયો હતો. સમગ્ર દિવસ દરમિયાન છૂટોછવાયો વરસાદ વરસ્યો હતો જેના કારણે વાતાવરણમાં ઠંડક પ્રસરી હતી.

ભરૂચ જિલ્લામાં વરસાદના તાલુકા આંકડા પર નજર કરીએ તો જંબુસરમાં 10 મિલીમીટર, આમોદમાં 10 મિલીમીટર, વાગરામાં 3 મિલીમીટર, ભરુચમાં 10 મિલિમિટર,ઝઘડિયામાં 15 મિલીમીટર,અંકલેશ્વરમાં 20 મિલિમિટર, હાસોટમાં 4 મિલિમિટર,વાલીયામાં 1 ઇંચ અને નેત્રંગમાં 1 ઇંચ જેટલો વરસાદ નોંધાયો હતો. ખેતીલાયક વરસાદ વરસતા ધરતીપુત્રોમાં ખુશીનો માહોલ જોવા મળી રહ્યો છે. ખેતરોમાં પાણી ભરાવાની સમસ્યા નથી રહી જોકે આ તરફ પવન સાથે વરસાદ વરસતા કેળ સહિતના પાકને ટેકો આપવાની સલાહ આપવાની સલાહ આપવામાં આવી છે.