ભરૂચ : નેત્રંગ પોલીસે શેરડીમાં ખેતરમાં સંતાડેલ રૂ.3.80 લાખની કિંમતનો વિદેશી દારૂનો જથ્થો ઝડપી પાડ્યો, બુટલેગર વોન્ટેડ

ભરૂચના નેત્રંગ પોલીસ સ્ટેશનના પોલીસકર્મીઓ પેટ્રોલિંગમાં હતા તે દરમ્યાન બાતમી મળી હતી કે  કમ્બોડીયાથી આટખોલ તરફ જવાના રસ્તા ઉપર આવેલ 'પુરીબા ફાર્મ'ની સામે શેરડીનાં વાવેતરવાળા ખેતરમાં લીસ્ટેડ બુટલેગર પ્રવિણ ઉર્ફે બટકો ગુલાબસિંગ પાટણવાડીએ શેરડીનાં ઓથમાં વિદેશી દારૂનો મોટો જથ્થો સંતાડી રાખ્યો છે જેના આધારે પોલીસે દરોડા પાડતા ખેતરમાંથી રૂ.3.80 લાખની કિંમતની દારૂની 1044 નંગ બોટલ મળી આવી હતી.

આ મામલામાં પોલીસે કુખ્યાત બુટલેગર પ્રવિણભાઇ ઉર્ફે બટકો ગુલાબસિંગભાઇ પાટણવાડીયા રહે.કમ્બોડીયાને વોન્ટેડ જાહેર કરી તેની વિરુદ્ધ કાયદેસરની કાર્યવાહી હાથ ધરી છે.