ભરૂચ : પાલેજ પોલીસે ટંકારીયા ગામેથી પ્રતિબંધિત ઇ સિગારેટના જથ્થા સાથે એક શખ્સની કરી ધરપકડ, રૂ.45 હજારનો મુદ્દામાલ જપ્ત

ભરૂચની પાલેજ પોલીસને બાતમી મળી હતી કે ટંકારીયા ગામ પાદરમાં જાહેર રસ્તા પર ટંકારીયા ગામે મોટા પાદર ખાતે રહેતા હસન મોહમદ ગોરજી નામનો ઈસમ ભારત સરકાર દ્વારા પ્રતિબંધિત કરેલ ઇ-સિગારેટનો જથ્થો ગેરકાયદેસર રીતે રાખી તેનુ વેચાણ કરે છે અને હાલમા તેની આ પ્રવુતિ ચાલુ છે જે બાતમી આધારે બાતમીવાળી જગ્યાએ આવતા હસન મોહમદ ગોરજી પાસેથી એક પ્લાસ્ટિકની થેલીમાં અલગ અલગ બોક્ષમાં પ્રતિબંધીત ગેર કાયદેસરની જુદી જુદી વિદેશી કંપનીની ઇ-સિગારેટ તથા ફલેવર (રીફીલ) મળી કુલ નંગ-૨૭. કિ.રૂ.૪૫,૫૦૦/-નો મુદ્દામાલ કબ્જે કરવામાં આવ્યો હતો અને તેની ધરપકડ કરાય હતી.આ મામલામાં પોલીસે તલ્હા નીકી અને સમીર નામના શખ્સને વોન્ટેડ જાહેર કર્યા છે.