ભરૂચ : પેરોલ ફર્લો સ્ક્વોડની ટીમે ચોરીના ગુનાના આરોપીની 21 વર્ષે કરી ધરપકડ

ભરૂચ પેરોલ ફર્લો સ્કવોડની ટીમે જિલ્લાના ગુનાઓમાં નાસતા ફરતા આરોપીઓને પકડવાના પ્રયાસો હાથ ધર્યા હતા. તે દરમિયાન ટીમને બાતમી મળી હતી કે, 21 વર્ષથી વોન્ટેડ આ ગુનેગાર કમલેશ ડામોર રાજકોટ ખાતે છે. બાતમીના આધારે સ્કવોડની ટીમ રાજકોટ ખાતે તપાસ માટે પહોંચી હતી. જોકે ત્યાં વધુ માહિતી મળતાં ટીમે તુરત જ ખેડા તરફ પ્રયાણ કર્યું હતું અને રઢુ ગામ નજીકની મુરલીધર હોટલ પરથી આરોપીને દબોચી લીધો હતો. પેરોલ ફર્લો સ્કવોડે કાયદેસરની કાર્યવાહી માટે આરોપી કમલેશ ઉર્ફે કમલા ડામોરને ભરૂચ શહેર એ.ડિવિઝન પોલીસને સોંપી દીધો છે.