ભરૂચ: જંબુસરના વેડચ મોરવગાને જોડતા માર્ગ પર કમોસમી વરસાદના કારણે પાણી ભરાયા, સ્થાનિકોને મુશ્કેલી

ભરૂચના જંબુસર તાલુકાના વેડચ ગામે  વરસેલ કમોસમી વરસાદને કારણે વેડચથી મોરવગા, હિંગળાજ મહાદેવ, કાનજી મામા અને વડપીપળા તરફ જવાનો માર્ગ પાણી ભરાવાના કારણે સ્થાનિકોએ મુશ્કેલીનો સામનો કરવાનો વારો આવ્યો હતો.સ્થાનિક ખેડૂતો અને મુસાફરોને ભારે મુશ્કેલીનો સામનો કરવો પડી રહ્યો છે. હાલ પીલુદરા, કારેલી, દૂધવાળા, તિથોર વગેરે ગામોમાં જવા માટે અન્ય વિકલ્પિક માર્ગોનો ઉપયોગ કરવો પડી રહ્યો છે.ગ્રામજનોએ જણાવ્યું હતું કે આ સ્થિતિ વારંવાર સર્જાય છે છતા તેનું કોઈ નિરાકરણ લાવવામાં આવતી નથી જેનો ભોગ લોકોએ બનવું પડે છે. ગામના સરપંચે આવજે તંત્રને રજૂઆત કરી માર્ગના સમારકામની માંગ કરી છે.