ભરૂચ: ઝઘડિયાના મુખ્ય બજારમાં ટ્રક ભુવામાં ખાબકી, બાજુમાં રહેલ કેબિનને નુકશાન

ભરૂચના ઝઘડિયાના મુખ્ય બજારમાં રેતી ડસ્ટ ભરેલ ટ્રક ભૂવામાં  ખાબકી જતા અકસ્માત સર્જાયો હતો આ બનાવમાં બાજુમાં રહેલી કેબિન પર ટ્રક પડતા કેબિનમાં બેઠેલ એક ઈસમને માથાના ભાગે ઇજા પહોંચી હતી. આ અકસ્માતમાં એક બાઈક પણ દબાઈ હોવાના અહેવાલ મળી રહ્યા છે . ટ્રકનું પાછળનું ટાયર ભૂવામાં પડતા અકસ્માત સર્જાયો હતો અને ટ્રક આગળના ભાગેથી ઊંચી થઈ ગઈ હતી. ઝઘડિયા મુખ્ય બજારમાં અકસ્માત સર્જાતા ઘટના સ્થળે લોક ટોળા એકત્ર થઈ ગયા હતા.