અંકલેશ્વરમાં માતો શ્રી ચેરીટેબલ ટ્રસ્ટનો શુભારંભ કરાયો,પ્રથમ કાર્યક્રમ અંતર્ગત સંગીત સંધ્યા યોજાઈ

અંકલેશ્વરમાં સામાજિક સેવા ક્ષેત્રે યોગદાન આપવાના સંકલ્પ સાથે માતો શ્રી ચેરીટેબલ ટ્રસ્ટનો શુભારંભ કરવામાં આવ્યો હતો.જે અંતર્ગત સંગીત સંધ્યાનું આયોજન હાથ ધરવામાં આવ્યુ

author-image
By Connect Gujarat Desk in ભરૂચ સમાચાર
New Update

  • માતો શ્રી ચેરીટેબલ ટ્રસ્ટનો શુભારંભ

  • સામાજિક સેવા ક્ષેત્રે યોગદાનના સંકલ્પ સાથે કરાયો પ્રારંભ

  • ધારાસભ્ય સહિતના પદાધિકારીઓ રહ્યા ઉપસ્થિતિ 

  • શુભારંભ પ્રસંગે સંગીત સંધ્યાનું કરાયું આયોજન

  • શિક્ષણ,આરોગ્ય અને સાંસ્કૃતિક ક્ષેત્રે કરવામાં આવશે પ્રવૃત્તિ

ભરૂચ જિલ્લાના અંકલેશ્વરમાં સામાજિક સેવા ક્ષેત્રે યોગદાન આપવાના સંકલ્પ સાથે માતો શ્રી ચેરીટેબલ ટ્રસ્ટનો શુભારંભ કરવામાં આવ્યો હતો.જે અંતર્ગત સંગીત સંધ્યાનું આયોજન હાથ ધરવામાં આવ્યુ હતુ.

અંકલેશ્વર નગરપાલિકાના પૂર્વ પ્રમુખ સંદીપ પટેલ દ્વારા શિક્ષણ,આરોગ્ય અને સાંસ્કૃતિક ક્ષેત્રે સેવાકીય પ્રવૃત્તિઓ થકી સામાજિક ક્ષેત્રે યોગદાન આપવા નવતર અભિગમના ભાગ રૂપે માતો શ્રી ચેરીટેબલ ટ્રસ્ટની રચના કરવામાં આવી છે.આ ટ્રસ્ટના શુભારંભ પ્રસંગે ગુજરાતના જાણીતા ગાયક વિવેક રાવ અને તેમના વૃંદની સંગીત સંધ્યાનું આયોજન હાથ ધરવામાં આવ્યુ હતુ.

આ સમારોહમાં અંકલેશ્વર હાંસોટના ધારાસભ્ય ઈશ્વરસિંહ પટેલ, ભરૂચના ધારાસભ્ય રમેશ મિસ્ત્રી,ભરૂચ જિલ્લા ભાજપ પ્રમુખ મારૂતિસિંહ અટોદરીયા, જિલ્લા પંચાયતના કારોબારી અધ્યક્ષ ધર્મેશ મિસ્ત્રી, અંકલેશ્વર નગરપાલિકા પ્રમુખ લલિતા રાજપુરોહિત, કારોબારી અધ્યક્ષ નિલેશ પટેલ,અંકલેશ્વર ભાજપ શહેર પ્રમુખ ધર્મેન્દ્ર પુષ્કરણા,નિરવ ચેરિટેબલ ટ્રસ્ટના બાબુ પટેલ સહિતના પદાધિકારીઓ ઉપસ્થિત રહ્યા હતા.

માતો શ્રી ટ્રસ્ટના ચેરમેન સંદીપ પટેલે આ પ્રસંગે જણાવ્યું હતુ કે અંકલેશ્વર પાલિકા વિસ્તારમાં શિક્ષણ, આરોગ્ય અને સાંસ્કૃતિક ક્ષેત્રે કંઈક નક્કર પ્રવૃતિઓ કરી સામાજિક ઉત્થાન ક્ષેત્રે આ ટ્રસ્ટ કાર્યરત બનશે.

#Mato Shree Charitable Trust #માતો શ્રી ચેરીટેબલ ટ્રસ્ટ
Related Articles
Read the Next Article

ભરૂચ : જિલ્લાની 67 ગ્રામ પંચાયત રાજની ચૂંટણી માટે યોજાયું મતદાન,મતદારોનો જોવા મળ્યો ઉત્સાહ

ભરૂચ જિલ્લાની કુલ 85 ગ્રામ પંચાયત માટે ચૂંટણીની જાહેરાત થઇ હતી,જેમાંથી 18 પંચાયતો સમરસ જાહેર થઇ હતી,તેથી 67 ગ્રામ પંચાયત માટે ચૂંટણી પ્રક્રિયા યોજવામાં આવી

author-image
By Connect Gujarat Desk in ભરૂચ સમાચાર
New Update

ભરૂચ જિલ્લામાં પંચાયતીરાજની યોજાઈ ચૂંટણી

67 ગ્રામ પંચાયતો માટે યોજાઈ ચૂંટણી

શાંતિપૂર્ણ માહોલમાં મતદાન પ્રક્રિયા સંપન્ન

વૃદ્ધ અને અશક્ત મતદારોએ પણ બતાવ્યો ઉત્સાહ

ઉમેદવારોના ભાવિ મતપેટીમાં સીલ  

25 જૂને યોજાશે મતગણતરી

ભરૂચ જિલ્લાની પંચાયતીરાજની ચૂંટણી માટે શાંતિપૂર્ણ માહોલમાં મતદાન પ્રક્રિયા યોજાઇ હતી.સવારના 7 વાગ્યાથી શરૂ થયેલા મતદાન પ્રક્રિયામાં મતદારોનો ભારે ઉત્સાહ જોવા મળ્યો હતો.

ભરૂચ જિલ્લાની કુલ 85 ગ્રામ પંચાયત માટે ચૂંટણીની જાહેરાત થઇ હતી,જેમાંથી 18 પંચાયતો સમરસ જાહેર થઇ હતી,તેથી 67 ગ્રામ પંચાયત માટે ચૂંટણી પ્રક્રિયા યોજવામાં આવી હતી.જેમાં ચુસ્ત પોલીસ બંદોબસ્ત સાથે શાંતિપૂર્ણ માહોલમાં મતદાન પ્રક્રિયા યોજાઇ હતી.અને સવારથી જ મતદારોમાં મતદાન માટેનો ભારે ઉત્સાહ જોવા મળ્યો હતો.

ભરૂચના તવરા,ઝાડેશ્વર, બંબુસર સહિતની ગ્રામ પંચાયતો માટે મતદાન પ્રક્રિયા યોજાઇ હતી.બંબૂસર ગામે સરપંચ પદ માટે પેટા ચૂંટણી યોજાઈ હતી.બંબુસર ગામે સરપંચ પદ માટે અત્યાર સુધી સમરસ થતું આવ્યું હતું અને 2021માં ચૂંટણી યોજાઈ હતી.જેમાં મતદાનના 2 દિવસ પહેલા સરપંચ પદના ઉમેદવારનું નિધન થતા ચૂંટણી ઠેલાઈ હતી. સરપંચ પદ માટે હાલ યોજાઈ રહેલી ચૂંટણીમાં બંબૂસર ગ્રામ પંચાયતની ચૂંટણીમાં સરપંચ પદ માટે પેટા ચૂંટણી યોજાઈ છે.જેમાં 3 ઉમેદવારોએ ઉમેદવારી કરતા આજરોજ મતદાન યોજાયું હતું.અને  મતદારોએ ઉત્સાહભેર મતદાન કર્યું હતું.

આ ઉપરાંત તવરા ગ્રામ પંચાયતની બેઠક પર મતદાન બુથ પર મતદારોની લાંબી કતાર જોવા મળી હતી,અને વરસતા વરસાદમાં પણ મતદારોનો ઉત્સાહ જોવા મળ્યો હતો.

મતદાન પ્રક્રિયા દરમિયાન પોલીસ દ્વારા અશક્ત મતદારો માટે સરાહનીય કામગીરી કરવામાં આવી હતી,અને લોકશાહીના પર્વમાં વૃદ્ધ અને અશક્ત મતદારોએ ઉત્સાહભેર મતદાન કરીને અન્ય લોકો માટે પ્રેરણારૂપ બન્યા હતા.  

અંકલેશ્વર તાલુકામાં 23 ગ્રામ પંચાયતોની ચૂંટણી યોજાઈ હતી.તાલુકાની કુલ 27 ગ્રામ પંચાયતમાંથી 4 પંચાયતો સમરસ જાહેર થઈ હતી.23 ગ્રામ પંચાયતોમાંથી 12 ગ્રામ પંચાયતોને સંવેદનશીલ જાહેર કરવામાં આવી હતી.ચૂંટણીની કામગીરીમાં 250 કર્મચારીઓ જોડાયા હતા. મતદાન પ્રક્રિયા દરમિયાન કોઈ અનિચ્છનીય બનાવ ન બને તે માટે ચાંપતો પોલીસ બંદોબસ્ત ગોઠવવામાં આવ્યો હતો.

અંકલેશ્વરના માંડવા,કોસમડી,સજોદ સહિત 23 ગ્રામ પંચાયતોની ચૂંટણીમાં મતદારોએ ઉત્સાહભેર મતદાન કર્યું હતું.અને ઉમેદવારોએ પોતાની જીતના દાવા કર્યા હતા. ઉલ્લેખનીય છે કે આગામી તારીખ 25મી જૂનના રોજ ચુસ્ત પોલીસ બંદોબસ્ત સાથે મતગણતરી યોજવામાં આવશે,અને ઉમેદવારોના ભાવિનો ફેંસલો થશે.

#Voting #ગ્રામ પંચાયત #ગ્રામ પંચાયતની ચુંટણી #Grampanchayat Election #Bharuch Grampanchayat Election