ભરૂચ જિલ્લામાં સતત 4 દિવસથી કમોસમી વરસાદ,વાલિયા- ભરૂચમાં 1-1 ઇંચ વરસાદ

ભરૂચ શહેર અને જિલ્લામાં છેલ્લા ચાર દિવસથી કમોસમી વરસાદ વરસી રહ્યો છે. વરસાદના કારણે ખેતીના પાકમાં વ્યાપક નુકસાન પહોંચ્યું છે ત્યારે વિતેલા 24 કલાકમાં પણ ભરૂચ જિલ્લાના તમામ 9 તાલુકામાં કમોસમી વરસાદ વરસ્યો હતો. ભરૂચ શહેર અને જિલ્લામાં વરસેલ વરસાદના તાલુકાવાર આંકડા પર નજર કરીએ તો જંબુસરમાં 12 મી.મી. આમોદમાં 6 મી.મી. વાગરામાં 11 મી.મી. ભરૂચમાં 1 ઇંચ, ઝઘડિયામાં 11 મી.મી. અંકલેશ્વરમાં 9 મી.મી. હાંસોટમાં 6 મી.મી. વાલીયામાં 1 ઇંચ અને નેત્રંગમાં 5 મી.મી. વરસાદ નોંધાયો હતો. હવામાન વિભાગ દ્વારા આજે પણ ભરૂચ તથા આસપાસના વિસ્તારોમાં વરસાદના ઓરેન્જ એલર્ટની આગાહી કરવામાં આવી છે.