દેડિયાપાડાના માલસામોટ ગામે યોજાયો વિશેષ કાર્યક્રમ

ઇકો ટુરિઝમ પ્રોજેક્ટનું કરાયુ ખાતમુહૂર્ત 

એક પેડ માં કે નામ અભિયાન અંતર્ગત કાર્યક્રમ યોજાયો

MLA ચૈતર વસાવાના શાબ્દિક પ્રહાર 

મંચ પર ઉપસ્થિત મહાનુભાવોમાં પડ્યો સોંપો 

નર્મદા જિલ્લાના દેડિયાપાડા તાલુકાના માલસામોટ ગામે ગુજરાત સરકારના વન અને પર્યાવરણ, ક્લાઈમેટ ચેન્જ, જળ સંપત્તિ અને પાણી પુરવઠા વિભાગના રાજ્ય કક્ષાના મંત્રી મુકેશ પટેલની અધ્યક્ષતામાં“એક પેડ માં કે નામ” અભિયાન અંતર્ગત વૃક્ષારોપણ કાર્યક્રમ યોજાયો હતો.ત્યારબાદ રૂ. 40 કરોડના ખર્ચે નિર્માણ પામનાર રૂરલ ઈકો ટુરિઝમ પ્રોજેક્ટનું મંત્રી સહિતના મહાનુભાવોના હસ્તે ખાતમુહૂર્ત કરવામાં આવ્યું હતું. આ પ્રસંગે ભરૂચના સાંસદ મનસુખ વસાવા,દેડિયાપાડાના ધારાસભ્ય ચૈતર વસાવા અને નાંદોદના ધારાસભ્ય ડૉ. દર્શના દેશમુખ, નર્મદા જિલ્લા પંચાયતના પ્રમુખ ભિમસિંહ તડવી,પૂર્વ મંત્રી મોતી વસાવા, ચૂંટાયેલા જન પ્રતિનિધીઓ, વન વિભાગના અધિકારીઓ, શાળાના બાળકો અને મોટી સંખ્યામાં ગ્રામજનો જોડાયા હતા.

આ તબક્કે ડેડીયાપાડાના ધારાસભ્ય ચૈતર વસાવાનો આત્મવિશ્વાસ અને પારો સાતમા આસમાને પહોંચ્યોહતો.મંત્રી મુકેશ પટેલ, સાંસદ મનસુખ વસાવા, ધારાસભ્ય દર્શના દેશમુખની હાજરીમા વન અધિકારીઓને મંચ પરથી ખખડાવ્યા હતા.ચૈતર વસાવાના શાબ્દિક પ્રહારોથીમંચ પર ઉપસ્થિત મહાનુભાવોમાંસોંપો પડી ગયો હતો.