ભરૂચ: નબીપુર સાર્વજનિક હાઈસ્કૂલના મકાનનું નવીનીકરણ, દાતાઓનો સત્કાર સમારોહ યોજાયો

ભરૂચની નબીપુર સાર્વજનિક હાઇસ્કુલના મકાનનું નવીનીકરણ થરા શાળા પરિવાર તરફથી સત્કાર સમારોહનું આયોજન કરવામાં આવ્યું હતું ભરૂચના નબીપુર ખાતે આવેલ ધી નબીપુર સાર્વજનિક હાઇસ્કુલનું હાલનું મકાન 1971 મા નિર્માણ પામ્યું હતું પણ સમય જતા તેનું નવીનીકરણ ખૂબજ જરૂરી થઈ ગયું હતું. જેના માટે ગામના સમાજ સેવકો સલીમભાઈ કડુજી અને શોકતભાઈ સરમીએ આ કામ માટેનું બીડું ઝડપી લીધું હતું.

તેઓએ તેમનો કિંમતી સમય આપી UK સ્થિત નબીપુરના NRI ગ્રામજનોના સહયોગ થકી શાળાના મકાનનું નવીનીકરણનું કામ આટોપ્યું હતું અને શાળાને એક નવી ઓળખ આપી છે. તેઓના આ કામને બિરદાવવા માટે નબીપુર હાઇસ્કુલ પરિવાર દ્વારા તેમનો સત્કાર સમારંભ યોજ્યો હતો. જેમાં નબીપુર એજ્યુકેશન એન્ડ વેલફર કમિટીના પ્રમુખ, ઉપપ્રમુખ, સભ્યો સહિત ગામના આમટ્રીટ મહાનુભાવો ઉપસ્થિત રહયા હતા જેમાં તમામ દાતાઓનો આભાર વ્યક્ત કરવામાં આવ્યો હતો.