ગાંધીનગર : ઈન્ડિયા આઈએનએક્સે અત્યાધુનિક મોબાઇલ એપ્લિકેશન્સના લોન્ચ સાથે વર્લ્ડ ઇન્વેસ્ટર વીક 2025નું  કર્યું ઉદ્ઘાટન

વૈશ્વિક નાણાંકીય સમાવેશકતા તરફ ભારતની સફરમાં એક મહત્વપૂર્ણ સીમાચિહ્નની ઉજવણી કરતા ઈન્ડિયા આઈએનએક્સે તેના નવા નેક્સ્ટ જનરેશન પ્લેટફોર્મ “Bolt Plus on Web (BOW)” મોબાઇલ એપ્લિકેશન લોન્ચ કરી હતી.ઈન્ડિયા આઈએનએક્સે (ઈન્ડિયા આઈએનએક્સની સંપૂર્ણ માલિકીની પેટાકંપની) તેની ડિજિટલ ઓફરિંગ્સને વધુ વિસ્તારતા તેના પ્રારંભિક સેશન દરમિયાન પોતાની મોબાઇલ એપ્લિકેશન પણ લોન્ચ કરી હતી. 

ગૂગલ પ્લે સ્ટોર પર “India INX Global Access” નામથી ઉપલબ્ધ આ એપ ભારતના અને વિશ્વભરના ક્લાયન્ટ્સને આંતરરાષ્ટ્રીય બજારોમાં સરળતાથી રોકાણ કરવા અને ટ્રેડ કરવા માટે સશક્ત બનાવે છે તથા વિશ્વકક્ષાના રોકાણ અનુભવને તેમના આંગળીના ટેરવે ઉપલબ્ધ કરે છે.ઈન્ડિયા આઈએનએક્સના એમડી અને સીઈઓ વિજય કૃષ્ણમૂર્તિએ જણાવ્યું હતું કે ઈન્ડિયા આઈએનએક્સ (BOW) અને ઈન્ડિયા આઈએનએક્સ ગ્લોબલ એક્સેસ મોબાઇલ એપનું લોન્ચિંગ વિશ્વભરના રોકાણકારોને વિશ્વકક્ષાની ટેક્નોલોજી તથા સરહદો પારના બજારની એક્સેસ પૂરી પાડવા માટે અમારી પ્રતિબદ્ધતા દર્શાવે છે.