ગીર સોમનાથ: ખાનગી સ્કૂલમાં વિદ્યાર્થીઓને ફ્રૂડ પોઈઝનીંગ થતા સારવાર અર્થે ખસેડાયા

ગીરસોમનાથ વેરાવળ નજીકે આવેલ એક ખાનગી સ્કૂલમાં બપોરે નાસ્તો કર્યા બાદ અચાનક ધો. 1 થી 5 નાં બાળકોને ફ્રુડ પોઈઝનીંગની અસર થતા બાળકોને તાત્કાલીક સારવાર અર્થે હોસ્પિટલ ખાતે ખસેડાયા હતા. વેરાવળ નજીક આવેલ શિશું મંદિર ઈન્ટરનેશનલ સ્કૂલમાં ધો. 1 થી 5 નાં વિદ્યાર્થીઓએ બપોરે નાસ્તો કર્યા પછી થોડા સમય બાદ અચાનક તેઓની તબીયત લથડી હતી. વિદ્યાર્થીઓને ફ્રુડ પોઈઝનીંગની અસર થતા તમામ બાળકોને હોસ્પિટલ ખસેડવામાં આવ્યા હતા. ત્યારે હાલ 25 થી 30 બાળકો સારવાર હેઠળ છે. જ્યારે 5 થી વધુ બાળકોને વધુ અસર થવા પામી છે. ત્યારે આ ઘટનાની જાણ ધારાસભ્ય વિમલ ચુડાસમાને થતા તેઓ પણ આગેવાનો સાથે હોસ્પિટલ પહોંચ્યા હતા.