ગુજરાત એક સાથે 113 બિન હથિયારી પોલીસ ઇન્સ્પેક્ટરની બદલી

રાજ્યમાં વિધાનસભા ચૂંટણી નજીક આવતા પહેલા ગુજરાતના પોલીસ વિભાગમાં બદલી ની મોસમ જામી છે. ત્યારે એકી સાથે 113 બિન હથિયારી પોલીસ ઇન્સ્પેક્ટરની બદલી આદેશ આપવામાં આવતા પોલીસ બેડામાં ખળભળાટ મચ્યો છે.રાજ્યના DGP આશિષ ભાટિયાએ જાહેર હિતમાં આ બદલીના આદેશ પારિત કર્યા છે. સાથે જ પરિપત્રમાં ઉલ્લેખ કરવામાં આવ્યો છે કે આગામી સમયમાં વિધાનસભાની ચૂંટણી આવી રહી છે જેના આચારસંહિતાના અમલ પહેલા બદલી કરી આવશ્યક છે. બદલી કરવામાં આવેલા 113 પોલીસ કર્મીઓને તાત્કાલિક અસરથી છૂટા થઈ બદલી થયેલ જગ્યાએ હાજર થવા નિર્દેશ કરવામાં આવ્યો છે થોડા દિવસો પહેલા પણ અનેક આઇપીએસ સહિત પોલીસ ઇન્સ્પેકટરની બદલી કરવામાં આવી હતી આમ ચૂંટણી પહેલા તંત્રે પોલીસ મહેકમ માં મોટા પાયે ફેરફાર કર્યા છે