સાબરકાંઠા જિલ્લાના હિંમતનગર શહેરના સાબર સ્ટેડિયમ ખાતે રાજ્ય કક્ષાના DLSS પીટી સ્વિમિંગ પ્રવેશ માટેના એક દિવસીય ટેસ્ટનો પ્રારંભ કરવામાં આવ્યો હતો. જેમાં રાજ્યભરમાંથી 80 જેટલા બાળકોએ બાળકોએ ઉત્સાહભેર ભાગ લીધો હતો.
રાજ્યમાં DLSS પીટી સ્વિમિંગ અંતર્ગત દેવગઢ બારીયા, ભાવનગર, અમરેલી, ઊર્મિ સ્કૂલ-બરોડા અને હિંમતનગરમાં પ્રવેશ માટેના રાજ્ય કક્ષાના એક દિવસીય ટેસ્ટનો હિંમતનગરના ભોલેશ્વર સ્થિત સ્ટેડિયમમાં આવેલ સ્વિમિંગ પુલ ખાતે પ્રારંભ કરવામાં આવ્યો હતો. જેમાં રાજ્યમાંથી તા. 1 જાન્યુઆરી 2010 બાદ જન્મેલા 57 છોકરાઓ અને 23 છોકરીઓ મળીને 80 બાળકોએ ભાગ લીધો હતો. જેમાં એન્ડ્યૂરન્સ ટેસ્ટ, સ્પીડ ટેસ્ટ અને સ્ટ્રોક ટેસ્ટ લેવામાં આવ્યા હતા. ત્યારબાદ મેરીટના આધારે બાળકોને ગાંધીનગર ખાતે આગળની સ્પર્ધામાં મોકલવાનું આયોજન કરવામાં આવ્યું છે.