સાબરકાંઠા : સાબર સ્ટેડિયમ ખાતે દિવ્યાંગો માટેના રાજ્યકક્ષાના વિશેષ ખેલ મહાકુંભનો પ્રારંભ,2500 ખેલાડીઓએ લીધો ભાગ

• દિવ્યાંગો માટેના ખેલ મહાકુંભનો પ્રારંભ

• રાજ્યકક્ષાના સ્પેશિયલ ખેલ મહાકુંભનું ઉદ્ઘાટન

• ધારાસભ્યના હસ્તે સમારોહનો કરાયો પ્રારંભ

• 29 જિલ્લાના 2500 ખેલાડીઓએ લીધી છે ભાગ

• ખેલ મહાકુંભમાં 13 વિશેષ રમતોનો કરાયો સમાવેશ 

સાબરકાંઠા જિલ્લાના હિંમતનગરના સાબર સ્ટેડિયમ ખાતે દિવ્યાંગો માટેના રાજ્યકક્ષાના સ્પેશિયલ ખેલ મહાકુંભ-2025નો ઉદ્ઘાટન સમારોહ યોજાયો હતો. સાબરકાંઠા જિલ્લાના હિંમતનગરના સાબર સ્ટેડિયમ ખાતે દિવ્યાંગો માટેના રાજ્યકક્ષાના સ્પેશિયલ ખેલ મહાકુંભ-2025નો ઉદ્દઘાટન સમારોહ યોજાયો હતો.આ સમારોહની શરૂઆતમાં કાશ્મીરના પહેલગામમાં શહીદ થયેલા નાગરિકોને મૌન પાળી શ્રદ્ધાંજલિ અર્પણ કરવામાં આવી હતી.ધારાસભ્ય વી ડી ઝાલાનાં હસ્તે ખેલ મહાકુંભનો પ્રારંભ કરવામાં આવ્યો હતો.

સ્પેશિયલ ઓલમ્પિક્સ ગુજરાત દ્વારા આયોજિત આ ખેલ મહાકુંભમાં રાજ્યના 29 જિલ્લાના 2500 ખેલાડીઓએ ભાગ લીધો છે. વિવિધ સ્પર્ધામાં વોલીબોલ, બેડમિન્ટન, બાસ્કેટબોલ, સાયકલિંગ, બોસી, એથ્લેટિક્સ, હેન્ડબોલ, ક્રિકેટ, ફૂટબોલ, સોફ્ટબોલ, સ્વિમિંગ, ટેબલ ટેનિસ અને રોલર સ્કેટિંગ જેવી 13 રમતનો સમાવેશ કરાયો છે.

આ પ્રસંગે રમતગમત ક્ષેત્રે ઉત્કૃષ્ટ દેખાવ કરનાર ખેલાડીઓનું સન્માન કરવામાં આવ્યું હતું.જિલ્લા કલેક્ટર લલિત નારાયણસિંઘ સાંદુ, સમગ્ર શિક્ષા નાયબ નિયામક અર્ચના ચૌધરી, માનસિક દિવ્યાંગ સંસ્થાના પ્રમુખ કુંજબિહારી પટેલ સહિત અનેક અધિકારીઓ અને ખેલાડીઓના વાલીઓ ઉપસ્થિત રહ્યા હતા.