સુરેન્દ્રનગર: સ્ટેટ મોનીટરીંગ સેલની ટીમે થાનમાંથી વિદેશી દારૂનો જથ્થો ઝડપી પાડ્યો

ગાંધીનગર સ્ટેટ મોનીટરીંગ સેલની ટીમે સુરેન્દ્રનગર  થાન શહેરી વિસ્તારમાંથી ઇંગ્લિશ દારૂ સહિતના મુદ્દામાલ સાથે એક શખ્શને ઝડપી પાડ્યો હતો.

થાન શહેરના અલગ અલગ ત્રણ  વિસ્તારોમાંથી ઇંગ્લિશ દારૂની ૨૬૬ બોટલો કિંમત રૂ.૯૬૬૦૦, મોબાઈલ, રોકડ અને બાઈક સહિત ફૂલ રૂ.૧.૪૩ લાખના મુદ્દામાલ સાથે એક શખ્શને ઝડપી લીધો હતો.થાન ખાતે રહેતા યશપાલસિંહ ઝાલાને ઝડપી પાડી કાયદેસરની કાર્યવાહી હાથ ધરી છે .સ્થાનિક પોલીસને અંધારામાં રાખી એસએમસી ટીમે રેઇડ કરતા ચકચાર મચી જવા પામી છે.