કેન્દ્ર સરકારે ફરી એકવાર આધાર કાર્ડને ફ્રીમાં અપડેટ કરવાની સુવિધા વધારી

કેન્દ્ર સરકારે ફરી એકવાર આધાર કાર્ડને ફ્રીમાં અપડેટ કરવાની સુવિધા વધારી દીધી છે. UIDAI દ્વારા જારી કરવામાં આવતા આ દસ્તાવેજને અપડેટ કરવાની સમયમર્યાદા 14 જૂન, 2023 સુધી હતી, જેને લંબાવવામાં આવી છે.હવે તમારી પાસે આધાર કાર્ડ અપડેટ કરવા માટે ત્રણ મહિનાનો સમય છે, જેને તમે ઓનલાઈન અપડેટ કરી શકો છો. UIDAIએ માહિતી આપી છે કે તમે 14 સપ્ટેમ્બર સુધીમાં ઓળખ કાર્ડ અને સરનામાનો પુરાવો અપલોડ કરી શકો છો. CSC પર અપડેટ કરવા માટે ચાર્જ

UIDAI વેબસાઇટ મુજબ આધાર કાર્ડની માહિતી સચોટ રાખવા માટે તમારા વસ્તી વિષયક દસ્તાવેજો અપલોડ કરો અને તમારું આધાર કાર્ડ અપડેટ કરો. તમારું આધાર કાર્ડ મફતમાં અપડેટ કરવા માટે તમે https://myaadhaar.uidai.gov.in ની મુલાકાત લઈ શકો છો. તે જ સમયે, CSC સેન્ટર પર જઈને અપડેટ કરવા માટે 25 રૂપિયાનો ચાર્જ ચૂકવવો પડશે.

UIDAI દ્વારા જારી કરાયેલા આ પોર્ટલ પર આધાર કાર્ડમાં સરનામું, નામ વગેરે માહિતી અપડેટ કરી શકાય છે. આ માટે યુઝર્સને આધાર નંબર અને મોબાઈલ નંબરની જરૂર પડશે. મોબાઈલ નંબર પર OTP દ્વારા, તમે સરનામું અને અન્ય વસ્તુઓ બદલી શકો છો.

આધાર કાર્ડ કેવી રીતે અપડેટ કરવું

સૌથી પહેલા આધાર વેબસાઈટ myaadhaar.uidai.gov.in પર જાઓ

હવે લોગીન કરો અને નામ/લિંગ/જન્મ તારીખ અને સરનામું વિકલ્પ પસંદ કરો

આધાર અપડેટનો વિકલ્પ પસંદ કરો

હવે સરનામું અથવા અન્ય માહિતી અપડેટ કરવાના વિકલ્પ પર ક્લિક કરો

આ પછી સ્કેન કરેલી કોપી અપલોડ કરો અને ડેમોગ્રાફિક ડેટાની માહિતી અપલોડ કરો

પેમેન્ટ કરો, ત્યારબાદ તમને એક નંબર મળશે

તેને હાથમાં રાખો. સ્થિતિ તપાસવામાં ઉપયોગી થશે