હવામાન વિભાગ દ્વારા આગામી સાત દિવસ ભારે વરસાદને લઈ કરાઇ આગાહી

ગુજરાતમાં મેઘરાજા ફરી ધબધબાટી બોલાવશે. હવામાન વિભાગ દ્વારા આગામી સાત દિવસ ભારે વરસાદને લઈ આગાહી કરવામાં આવી છે. ખેલૈયાઓના રંગમાં મેઘરાજા ભંગ પાડશે. રાજ્યમાં આગામી સાત દિવસ હળવાથી મધ્યમ વરસાદની આગાહી હવામાન વિભાગે કરી છે.  આવતીકાલથી ત્રણ દિવસ રાજ્યમાં ભારે વરસાદની આગાહી કરવામાં આવી છે. બનાસકાંઠા, પાટણ, મહેસાણા સિવાય સાર્વત્રિક વરસાદનું અનુમાન છે. 

ગુજરાતમાં ગાજવીજ સાથે 30થી 40 કિમીની ઝડપે પવન  ફૂંકાશે.  બંગાળની ખાડીમાં વેલમાર્ક લો પ્રેશર સક્રિય થતા રાજ્યમાં વરસાદની શક્યતા છે. અમદાવાદમાં આજે વાદળછાયા વાતાવરણ સાથે હળવા વરસાદનું અનુમાન વ્યક્ત કરવામાં આવ્યું છે. 

આવતીકાલે નર્મદા, તાપી, ડાંગ, નવસારીમાં ભારે વરસાદની આગાહી કરવામાં આવી છે. વલસાડ, દમણ અને દાદરાનગર હવેલીમાં ભારે વરસાદની આગાહી કરવામાં આવી છે.  28 સપ્ટેમ્બરના રાજ્યમાં સાર્વત્રિક ભારેથી મધ્યમ વરસાદની આગાહી કરવામાં આવી છે. 28 સપ્ટેમ્બરના અમદાવાદમાં ભારે વરસાદની શક્યતા છે. દક્ષિણ ગુજરાતના જિલ્લાઓ - નર્મદા, તાપી, ડાંગ, નવસારી, વલસાડ, દમણ અને દાદરા નગર હવેલીમાં છૂટાછવાયા સ્થળોએ ભારે વરસાદ વરસી શકે છે. 

આ દિવસે સૌરાષ્ટ્ર અને મધ્ય ગુજરાતના અનેક જિલ્લાઓમાં ભારે વરસાદની આગાહી છે, જેમાં અમદાવાદ, ગાંધીનગર, સુરેન્દ્રનગર, રાજકોટ, બોટાદ, અમરેલી, ભાવનગર, ગીર સોમનાથ, દીવ, સાબરકાંઠા, અરવલ્લી, ખેડા, આણંદ, વડોદરા સહિત દક્ષિણ ગુજરાતના તમામ જિલ્લાઓનો સમાવેશ થાય છે. ખાસ કરીને અમદાવાદમાં 28 સપ્ટેમ્બરે ભારે વરસાદની આગાહી છે.