લીચી એક ઉનાળુ ફળ છે, જે ભારતના લગભગ તમામ ભાગોમાં જોવા મળે છે. આ ફળ ખૂબ જ રસદાર અને મીઠુ છે. લીચીને જ્યુસ, આઈસ્ક્રીમ કે મોકટેલના રૂપમાં ખાઈ શકાય છે. સ્વાદ ઉપરાંત લીચીના ઘણા સ્વાસ્થ્ય લાભો પણ છે. આ ફળમાં પાણીની માત્રા પણ વધુ હોય છે, જે તમને ઉનાળામાં બોડી હાઇડ્રેશન જાળવવામાં મદદ કરે છે. તો ચાલો જાણીએ લીચીના સ્વાસ્થ્ય લાભ વિશે.
લીચીમાં વિટામિન સી ભરપૂર માત્રામાં હોય છે :-
લીચીમાં વિટામિન સી મળી આવે છે. દરરોજ લીચી ફળ ખાવાથી સ્ટ્રોકનું જોખમ 42% ઓછું થાય છે. તે આપણા શરીરને હાઇડ્રેટેડ અને મજબૂત રાખવામાં પણ મદદ કરે છે.
એન્ટીઓક્સીડેન્ટ્સનો સારો સ્ત્રોત છે :-
લીચીમાં અન્ય ઘણા ફળો કરતાં વધુ પોલિફીનોલ હોય છે. આ ફળ એપીકેટેચીનનો ભંડાર છે જે હૃદયના સ્વાસ્થ્યને સુધારી શકે છે અને કેન્સર અને ડાયાબિટીસનું જોખમ ઘટાડી શકે છે. લીચીમાં રુટિન પણ વધુ માત્રામાં હોય છે. રુટિન માનવ શરીરને કેન્સર, ડાયાબિટીસ અને હૃદયની સમસ્યાઓ જેવા ક્રોનિક રોગોથી બચાવવામાં મદદ કરી શકે છે.
લીવર કેન્સર સામે લડી શકે છે :-
વૈજ્ઞાનિકોના મતે, લીચી ફ્રૂટ પેરીકાર્પ (LFP) અર્કમાં કેન્સર વિરોધી ગુણધર્મો છે અને તે લીવર કેન્સર સામે લડવામાં મદદ કરી શકે છે.
લીચીમાં વિટામીન E વધારે હોય છે :-
વિજ્ઞાનીઓનું કહેવું છે કે લીચીમાં વિટામીન E ભરપૂર માત્રામાં હોય છે, જે સનબર્નને ઠીક કરવામાં મદદ કરે છે જે પીડા અને બળતરા પેદા કરે છે અને ત્વચાને સ્વસ્થ અને ચમકદાર રાખે છે.
લીચી ફળ બળતરા ઘટાડી શકે છે :-
લીચીમાં રહેલા ફ્લેવેનોલ્સમાં બળતરા વિરોધી ગુણ હોય છે. તે ઉનાળાના મહિનાઓમાં ફલૂ અને ચેપ સામે લડવામાં મદદ કરે છે.