હેલ્ધી સ્વાસ્થ્યનો ખજાનો છે મોસંબીનું જ્યુસ, સ્વાસ્થ્યની સાથે સાથે ત્વચા માટે પણ ફાયદાકારક, જાણો તેના ફાયદાઓ...

મોસંબી આરોગ્ય માટે ખૂબ જ ફાયદાકારક માનવામાં આવે છે. મોસંબીનું જ્યુસ દરેક ઋતુમાં પી શકો છો. મોસંબીમાં વિટામિન એ, વિટામિન સી, પોટેશિયમ, કેલ્સિયમ અને ફોલેટ જેવા અનેક પોષકતત્વો આવેલા હોય છે. મોસંબીનું જ્યુસ પીવાથી અનેક બીમારીઓમાંથી છુટકારો મળે છે.

મોસંબીના જ્યુસના ફાયદા

કબજિયાત માટે ગુણકારી

મોસંબીનું સેવન કરવાથી કબજિયાતમાં રાહત મળે છે. મોસંબીમાં એસિડ રહેલું છે. જેથી શરીરમાં રહેલ વિષાક્ત પદાર્થ બહાર નીકળી જાય છે. મોસંબીમાં રહેલ ફાઇબરથી પાચનતંત્ર સ્વસ્થ રહે છે.

વજન ઓછું કરવામાં સહાયતા

તમે વજન ઘટાડવાનું વિચારી રહ્યા છો તો તમારા માટે મોસંબીનું જ્યુસ બેસ્ટ રહેશે. મોસંબીમાં કેલરી અને ફેટ ઓછા પ્રમાણમા હોય છે. આથી તમારું વજન વધશે નથી.

રોગપ્રતિકારક શક્તિ મજબૂત કરે

મોસંબીમાં ભરપૂર પ્રમાણમાં વિટામીન્સ આવેલા હોય છે જે તમારી ઇમ્યૂન સિસ્ટમને મજબૂત કરે છે. નિયમિતપણે મોસંબીના જ્યુસનું સેવન કરવાથી અનેક બીમારીઓથી બચી શકાય છે.

ત્વચા માટે ફાયદાકારક

મોસંબીનું જ્યુસ ના માત્ર સ્વાસ્થ્ય પરંતુ ત્વચા માટે પણ એટલુ જ ગુણકારી છે. મોસંબીમાં રહેલા વિટામિન સી ના કારણે ત્વચામાં નિખાર આવે છે. અને સાથે સાથે પિંપલ્સથી પણ છુટકારો મળે છે.

હાડકાં મજબૂત થાય છે

મોસંબીનું જ્યુસ હાડકાં માટે ખૂબ જ ફાયદાકારક માનવામાં આવે છે. મોસંબીમાં કેલ્સિયમ હોય છે જે હાડકાં સ્વસ્થ રાખે છે. સાંધાનો દુખાવો હોય તો મોસંબીનું જ્યુસ ફાયદાકારક નિવળશે.