હૈદરાબાદ એન્કાઉન્ટર મામલે આજે સુપ્રીમ કોર્ટમાં સુનાવણી, CP વીસી સજ્જનાર પણ રહેશે હાજર

હૈદરાબાદ એન્કાઉન્ટર કેસની

સુપ્રીમ કોર્ટમાં આજે સુનાવણી થશે. મુખ્ય ન્યાયાધીશ એસ.એ.બોબડેની ખંડપીઠ સુનાવણી

કરશે. આ સમયગાળા દરમિયાન, સાઇબરાબાદ પોલીસ કમિશનર વીસી સજ્જનાર પણ હાજર રહેશે. એડવોકેટ મુકુલ રોહતગી

સુપ્રીમ કોર્ટમાં તેલંગાણા પોલીસનો પક્ષ રાખશે. અરજદારે આ કેસમાં એસઆઈટી તપાસની

માંગ કરી છે. હાલમાં ચારેય આરોપીઓની લાશને સુરક્ષિત રાખવામાં આવી છે. સુપ્રીમ

કોર્ટની સુનાવણી બાદ તેલંગાણા હાઈકોર્ટ શુક્રવારે ચુકાદો આપશે.

એન્કાઉન્ટરની તપાસ માટે

એસઆઈટીની રચના

તેલંગાણા સરકારે શાદનગર શહેર

નજીક 6 ડિસેમ્બરે થયેલા 'એન્કાઉન્ટર'ની તપાસ માટે વિશેષ તપાસ ટીમ (એસઆઈટી) ની

રચના કરી છે. આ એન્કાઉન્ટરમાં પોલીસે લેડી ડોક્ટર ગેંગરેપ અને હત્યાના ચાર આરોપીની

હત્યા કરી હતી. આ આઠ સભ્યોની એસઆઈટીનું નેતૃત્વ રાચકોંડા પોલીસ કમિશનર મહેશ એમ

ભાગવત કરશે. અન્ય અધિકારીઓમાં એક મહિલા સહિત રાજ્યના વિવિધ ભાગોના અધિકારીઓ શામેલ

છે.

એસઆઈટીની રચના માટેનો સરકારી

આદેશ (જીઓ) 9 ડિસેમ્બરના રોજ જારી કરવામાં આવ્યો હતો. દરમિયાન રાષ્ટ્રીય માનવાધિકાર

આયોગ (એનએચઆરસી) ની ટીમે આરોપીની હત્યા અંગે તપાસ શરૂ કરી છે.

આરોપીઓની ઝડપી હત્યાની લોકોએ

પ્રશંસા કરી. લોકો ગુનેગારોને તાત્કાલિક મૃત્યુ દંડની માંગ કરી રહ્યા હતા, પરંતુ

અધિકાર જૂથોએ કાયદાને પોતાના હાથમાં લેતા પોલીસની નિંદા કરી છે.

જીઓ માં જણાવાયુ છે કે, એસ.આઈ.ટી.

ની રચના સુપ્રિમ કોર્ટના નિર્ણય અનુસાર પીપલ્સ યુનિયન ઓફ સિવિલ લિબર્ટીઝ

(પીયુસીએલ) વિરુદ્ધ મહારાષ્ટ્ર રાજ્ય અને અન્ય મામલામાં સુપ્રીમ કોર્ટના ચુકાદા

અનુસાર કરવામાં આવી છે. આવા કેસોની તપાસ બીજા પોલીસ સ્ટેશનની પોલીસ ટીમના વરિષ્ઠ

અધિકારીની દેખરેખ હેઠળ સ્વતંત્ર તપાસ એજન્સીને સોંપવામાં આવે છે.

જણાવી દઈએ કે, લેડી

ડોક્ટર પર 27 નવેમ્બરના રોજ હૈદરાબાદની સીમમાં શમશાબાદમાં ગેંગરેપ થયો હતો અને

તેના મૃતદેહને શાદનગર કસ્બા નજીક સળગાવી દેવામાં આવ્યો હતો. શાદનગર શહેર

હૈદરાબાદથી લગભગ 50 કિમી દૂર છે. બંને ગુનાના સ્થળો સાઇબરાબાદ પોલીસના અધિકારમાં

આવે છે.