ફિલિપાઇન્સના મિંડાનાઓ પ્રદેશમાં 7.4 ની તીવ્રતાનો આવ્યો ભૂકંપ

ફિલિપાઇન્સના મિંડાનાઓ પ્રદેશમાં 7.4 ની તીવ્રતાનો ભૂકંપ આવ્યો. અધિકારીઓએ સુનામીની ચેતવણી જાહેર કરી છે અને આફ્ટરશોક્સની શક્યતા અંગે ચેતવણી આપી છે.

યુરોપિયન-ભૂમધ્ય ભૂકંપશાસ્ત્રીય કેન્દ્ર (EMSC) અનુસાર, ભૂકંપ 62 કિલોમીટર (38.53 માઇલ) ની ઊંડાઈએ આવ્યો હતો. સ્થાનિક અધિકારીઓએ દરિયાકાંઠાના વિસ્તારોમાં રહેતા લોકોને ઊંચા સ્થાને જવાની સલાહ આપી છે. કટોકટી સેવાઓ એલર્ટ પર છે, અને નાગરિકોને સરકારી સૂચનાઓનું પાલન કરવા વિનંતી કરવામાં આવી છે.

Philippine Institute of Volcanology and Seismology (Phivolcs) 1૦ ઓક્ટોબર, 2૦25 ના રોજ સવારે 9:43:54 થી 11:43:54 (PST) ની વચ્ચે સુનામીના પ્રથમ મોજા આવવાની ધારણા છે, અને તે ઘણા કલાકો સુધી ચાલુ રહી શકે છે.                                     

Phivolcs ના જણાવ્યા મુજબ, સ્થાનિક સુનામી પરિદૃશ્ય ડેટાબેઝ સૂચવે છે કે, મોજા સામાન્ય ભરતીના સ્તરથી એક મીટર કે તેથી વધુ ઉપર અને બંધ ખાડીઓ અથવા સાંકડા જળમાર્ગોમાં તેનાથી પણ વધુ ઊંચામોજા ઉછળી શકે  છે.