તમિલનાડુમાં ભાજપને મોટો ઝટકો, અભિનેત્રી અને ભાજપ નેતા ગૌતમી તડીમલ્લાએ ભાજપમાંથી આપ્યું રાજીનામું

તમિલનાડુમાં ભાજપને મોટો ઝટકો લાગ્યો છે. અભિનેત્રી અને ભાજપ નેતા ગૌતમી તડીમલ્લાએ ભાજપમાંથી રાજીનામું આપી દીધું છે. ગૌતમી તડીમલ્લાએ એક પત્ર દ્વારા આ માહિતી આપી છે.

ગૌતમી તડીમલ્લાએ પત્રમાં કહ્યું છે કે ખૂબ જ ભારે હૃદયે મેં ભાજપના સભ્યપદેથી રાજીનામું આપવાનો નિર્ણય કર્યો છે. હું 25 વર્ષ પહેલા પાર્ટીમાં રાષ્ટ્ર નિર્માણમાં તેના પ્રયાસોનું યોગદાન આપવા માટે જોડાઈ હતી. મારા જીવનમાં મેં જે પણ પડકારોનો સામનો કર્યો છે, મે તે પ્રતિબદ્ધતાનું સન્માન કર્યું છે. તેમ છતાં આજે હું મારા જીવનમાં અકલ્પનીય સંકટની પરિસ્થિતિમાં ઉભી છું. મને પક્ષ અને નેતાઓ તરફથી કોઈ પ્રકારનું સમર્થન મળ્યું નથી.