બિહાર વિધાનસભા ચૂંટણીના પરિણામો બાદ, કેન્દ્ર સરકારે સત્તાવાર રીતે હપ્તાની તારીખ કરી જાહેર

બિહાર વિધાનસભા ચૂંટણીના પરિણામો બાદ, કેન્દ્ર સરકારે સત્તાવાર રીતે હપ્તાની તારીખ જાહેર કરી દીધી છે. ખેડૂતોના બેંક ખાતામાં ₹2,000 ની આર્થિક સહાયની રકમ આગામી ત્રણ દિવસમાં, એટલે કે 19 નવેમ્બર, 2025 ના રોજ, ટ્રાન્સફર કરવામાં આવશે. દિવાળી પહેલા હપ્તો મળવાની અપેક્ષા રાખી રહેલા ખેડૂતોને આ નવા અપડેટથી મોટી રાહત મળી છે. 

દેશભરના લાખો ખેડૂત પરિવારો પીએમ કિસાન યોજનાના આગામી ₹2,000 ના હપ્તાની રાહ જોઈ રહ્યા હતા. સામાન્ય રીતે, સરકાર દર ચાર મહિને આ નાણાકીય સહાય ખેડૂતોના ખાતામાં જારી કરે છે. આ યોજનાનો છેલ્લો (20મો) હપ્તો ઓગસ્ટ મહિનામાં જારી કરવામાં આવ્યો હતો, જેના કારણે ખેડૂતો ઓક્ટોબર મહિનાથી જ 21મા હપ્તા ની અપેક્ષા રાખી રહ્યા હતા.

હવે, ખેડૂતોની આ લાંબી રાહનો અંત 19 નવેમ્બર ના રોજ આવી રહ્યો છે. પીએમ કિસાન સન્માન નિધિ ખાતાની વિગતો દર્શાવે છે કે આ યોજનાનો 21મો હપ્તો ત્રણ દિવસમાં જાહેર કરવામાં આવશે. આ અપડેટ એવા સમયે આવ્યું છે જ્યારે બિહાર વિધાનસભા ચૂંટણીના પરિણામો પણ જાહેર થઈ ચૂક્યા છે, જેના કારણે હપ્તાની ચુકવણીનો માર્ગ મોકળો થયો છે.