બાબા રામદેવ 30 એપ્રિલે ફરી SCમાં હાજર થશે, પતંજલિની માફીનામાં પર કહી કોર્ટે આ વાત..

સુપ્રીમ કોર્ટમાં આજે પતંજલિ આયુર્વેદ, બાબા રામદેવ અને બાલકૃષ્ણ વિરુદ્ધ અવમાનના કેસની સુનાવણી કરવામાં આવી હતી. સુનાવણી દરમિયાન બાબા રામદેવ અને આચાર્ય બાલકૃષ્ણ પોતે કોર્ટમાં હાજર હતા. કોર્ટે પતંજલિ આયુર્વેદ લિમિટેડના એમડી રામદેવને બે દિવસમાં અખબારોમાં છપાયેલી માફી રેકોર્ડ પર મૂકવાનો આદેશ આપ્યો છે. તે જ સમયે, કોર્ટે બાબા રામદેવ અને બાલકૃષ્ણને 30 એપ્રિલે ફરીથી હાજર થવાનો આદેશ આપ્યો છે.

જોકે, બાબા રામદેવના વકીલ મુકુલ રોહતગીએ કોર્ટમાં દલીલ કરી હતી કે, અમે ગઈકાલે ઘણા અખબારોમાં માફી પત્ર પ્રકાશિત કરી છે. તેના પર કોર્ટે પૂછ્યું કે ગઈકાલે જ કેમ માફી પત્ર પ્રકાશિત કરવામાં આવ્યો. આ સિવાય ખંડપીઠે એવો પણ સવાલ ઉઠાવ્યો હતો કે આખરે માફી પત્ર પતંજલિની જાહેરાત જેટલું જ મોટું છપાય છે.