'હલ્દીઘાટી હોય કે ગલવાન ઘાટી, ભારતનું માથું હંમેશા ઊંચું રહ્યું છે અને રહેશે : રાજનાથ સિંહ

રક્ષા મંત્રી રાજનાથ સિંહે ગત દિવસે વડાપ્રધાન નરેન્દ્ર મોદીના વખાણ કર્યા હતા. તેમણે કહ્યું કે યુદ્ધગ્રસ્ત યુક્રેનમાંથી ભારતીય વિદ્યાર્થીઓને બહાર કાઢવામાં પીએમ મોદીએ મહત્વની ભૂમિકા ભજવી હતી અને પીએમએ હંમેશા ભારતનું માથું ઊંચું રાખવાનું કામ કર્યું છે.

રાજનાથે સિંહે કહ્યું કે પીએમ મોદીએ રશિયાના રાષ્ટ્રપતિ વ્લાદિમીર પુતિન અને યુક્રેનના રાષ્ટ્રપતિ વોલોદિમીર ઝેલેન્સકી સાથે વાત કરી. તેમણે જરૂર પડ્યે અમેરિકી રાષ્ટ્રપતિ જો બિડેન સાથે પણ વાત કરી હતી. યુક્રેનમાં ફસાયેલા 22,000 થી વધુ વિદ્યાર્થીઓને બચાવી શકાય અને ઘરે પાછા ફરવા માટે યુદ્ધ થોડા સમય માટે બંધ થઈ ગયું. આ વિદ્યાર્થીઓના માતા-પિતા પીએમ મોદી પાસે તેમને બચાવવાની માંગ કરી રહ્યા હતા, જેને તેમણે પ્રાથમિકતાના આધારે પૂરી કરી.

ઔરંગાબાદમાં મહારાણા પ્રતાપ મહાસંમેલનને સંબોધતા રાજનાથ સિંહે કહ્યું કે મને પીએમ મોદી પર ગર્વ છે, જેમણે એવું કામ કર્યું જે કોઈ અન્ય દેશ કરી શક્યું નથી. મહારાણા પ્રતાપની બહાદુરી, બલિદાન અને હલ્દીઘાટીના યુદ્ધ વિશે વાત કરી. તેમણે કહ્યું કે મહારાણા પ્રતાપે ઘાસની બનેલી રોટલી ખાધી, પરંતુ પોતાના સ્વાભિમાન સાથે ક્યારેય સમાધાન કર્યું નહીં. જો તમે તેમના સમર્પણને સમજો તો તેમનો સમય મહારાણા કાળ કહેવાશે, મુઘલ કાળ નહીં.

મહારાણા પ્રતાપે ક્યારેય અકબર સામે ઝુકાવ્યું ન હતું અને તેમણે તેમના મેવાડને લગભગ અજેય રાખ્યું હતું. મંત્રીએ કહ્યું કે મેવાડ હોય, હલ્દીઘાટી હોય કે ગલવાન, ભારતનું માથું હંમેશા ઉંચુ રહ્યું છે અને રહેશે. અને વધુમાં રાજનાથ સિંહે કહ્યું કે ભારતની શસ્ત્રોની નિકાસ, જે 2014માં રૂ. 900 કરોડ હતી, તે વડાપ્રધાન તરીકે મોદીના કાર્યકાળ દરમિયાન વધીને રૂ. 16,000 કરોડથી વધુ થઈ ગઈ છે. તેમણે કહ્યું કે દેશને આત્મનિર્ભર બનાવવા પર ભાર મુકવા બદલ આપણે નરેન્દ્ર મોદીનો આભાર માનવો જોઈએ.