મુંબઈના ભૂતપૂર્વ પોલીસ કમિશનર પરમબીર સિંહને મોટી રાહત, મહારાષ્ટ્ર સરકારે તમામ આરોપો પાછા ખેંચ્યા..!

મુંબઈના પૂર્વ પોલીસ કમિશનર પરમબીર સિંહને મોટી રાહત મળી છે. મહારાષ્ટ્ર સરકારે તેમની સામે ચાલી રહેલા તમામ કેસ પાછા ખેંચી લીધા છે. આ ઉપરાંત રાજ્ય સરકારે ડિસેમ્બર 2021માં જારી કરાયેલા સસ્પેન્શન ઓર્ડર પણ રદ કર્યા છે. મહારાષ્ટ્ર સરકારે મુંબઈના ભૂતપૂર્વ પોલીસ કમિશનર પરમબીર સિંહ સામેના તમામ આરોપો ફગાવી દીધા છે. રાજ્ય સરકારે ડિસેમ્બર 2021માં જારી કરાયેલા સસ્પેન્શનના આદેશોને પણ રદ્દ કરી દીધા હતા કે, તેઓ સસ્પેન્શનના સમયગાળા દરમિયાન ફરજ પર હતા.

સરકારના સંયુક્ત સચિવ વેંકટેશ ભટ દ્વારા જારી કરાયેલા આદેશમાં કહેવામાં આવ્યું છે કે, "ઓલ ઈન્ડિયા સર્વિસીસ (શિસ્ત અને અપીલ) નિયમો, 1969ના નિયમ 8 હેઠળ પરમ બીર સિંહ, IPS (નિવૃત્ત) સામે 02.12.2021ના રોજ જારી કરાયેલા આરોપો મેમોરેન્ડમ પાછી ખેંચી લેવામાં આવી રહી છે, અને આ બાબતને બંધ કરવામાં આવી રહી છે." સસ્પેન્શન સંબંધિત અન્ય આદેશ જણાવે છે કે, "અખિલ ભારતીય સેવાઓ (મૃત્યુ-કમ-નિવૃત્તિ લાભો) નિયમો, 1958 ની જોગવાઈઓ અનુસાર, પરમબીર સિંહ, IPS (નિવૃત્ત)નું સસ્પેન્શન આથી બાજુ પર રાખવામાં આવ્યું છે

અને સસ્પેન્શન 02/12/2021થી 30/06/2022 સુધીના સમયગાળાને તમામ હેતુઓ માટે ફરજ પર વિતાવેલ સમયગાળા તરીકે ગણવામાં આવશે." તમને જણાવી દઈએ કે, મહાવિકાસ આઘાડી સરકારના કાર્યકાળ દરમિયાન પરમબીર સિંહ પર ભ્રષ્ટાચારના ગંભીર આરોપો લગાવવામાં આવ્યા હતા. તે સમયે અનિલ દેશમુખ મહારાષ્ટ્રના ગૃહમંત્રી હતા. પરમબીર સિંહે કહ્યું હતું કે, અનિલ દેશમુખે બરતરફ કરાયેલા પોલીસ અધિકારી સચિન વાજેને એક સપ્તાહમાં 100 કરોડની વસૂલાત કરવાનો ટાર્ગેટ આપ્યો હતો. આ આરોપો બાદ દેશમુખે મંત્રી પદ પરથી રાજીનામું આપવું પડ્યું હતું. આ પછી તેમને ભ્રષ્ટાચારના આરોપમાં જેલ પણ જવું પડ્યું હતું.