બ્રિજભૂષણ શરણ સિંહને ઝટકો, ખેલ મંત્રાલયએ સંજય સિંહની માન્યતા રદ્દ કરી, WFI સસ્પેન્ડ

ખેલ મંત્રાલયે ભારતીય કુસ્તી સંઘને લઈને મોટી કાર્યવાહી કરી છે. નવું રેસલિંગ એસોસિએશન રદ કરવામાં આવ્યું છે. રમત મંત્રાલયે રેસલિંગ એસોસિએશનને રદ્દ કરી દીધું છે. નવા પ્રમુખ સંજયસિંહના તમામ નિર્ણયો પર રોક લગાવી દેવામાં આવી છે.

નવા ચૂંટાયેલા પ્રમુખ સંજય સિંહને નંદિની નગર, ગોંડા (યુપી) ખાતે અંડર-15 અને અંડર-20 રાષ્ટ્રીય સ્પર્ધાઓનું આયોજન કરવાની જવાબદારી સોંપવામાં આવી હતી.

તમને જણાવી દઈએ કે સંજય સિંહના અધ્યક્ષ બન્યા બાદ સાક્ષી મલિક, બજરંગ પુનિયા, વીરેન્દ્ર સિંહ (મૂંગો કુસ્તીબાજ) જેવા ખેલાડીઓએ આ નિર્ણય સામે વાંધો વ્યક્ત કર્યો હતો. આ ખેલાડીઓનો આરોપ છે કે સંજય સિંહ બ્રિજ ભૂષણ શરણ સિંહના નજીકના અને બિઝનેસ પાર્ટનર છે. સાક્ષી મલિક દિલ્હીના પ્રેસ ક્લબ ઓફ ઈન્ડિયામાં યોજાયેલી પ્રેસ કોન્ફરન્સ દરમિયાન ભાવુક થઈ ગઈ હતી અને તેણે કુસ્તીમાંથી સંન્યાસ લેવાનો નિર્ણય પણ લઈ લીધો હતો.