કેન્દ્ર સરકારે રાઇડ-હેલિંગ ક્ષેત્રમાં એડવાન્સ ટિપિંગ ફીચર પર મૂક્યો પ્રતિબંધ, મહિલા ડ્રાઈવરોનો વિકલ્પ આપવાનું કરાયું ફરજિયાત

કેન્દ્ર સરકારે રાઇડ-હેલિંગ ક્ષેત્રમાં એડવાન્સ ટિપિંગ ફીચર પર કડક નિર્દેશ આપ્યા છે જેનાથી ઉબેર, ઓલા અને રેપિડો જેવા પ્લેટફોર્મ પર રાઇડ શરૂ થાય તે પહેલાં મુસાફરો પાસેથી ટિપ માંગવા પર અસરકારક રીતે પ્રતિબંધ મૂક્યો છે. 15 ડિસેમ્બરના રોજ માર્ગ પરિવહન અને હાઇવે મંત્રાલય (MoRTH) દ્વારા જાહેર કરાયેલ મોટર વાહન એગ્રીગેટર માર્ગદર્શિકા, 2025માં કરવામાં આવેલા એક સંશોધનમાં જેને FEએ રિવ્યૂ કર્યું હતું. તેમાં આ ફરજિયાત કરવામાં આવ્યું છે કે કોઈપણ સ્વૈચ્છિક ટિપિંગ ફીચર ફક્ત "મુસાફરને મુસાફરી પૂર્ણ થયા પછી" જ દેખાવું જોઈએ. નવા નિયમોમાં એક ફરજિયાત સુરક્ષા ફીચર પણ રજૂ કરવામાં આવી છે જે મહિલા મુસાફરોને ખાસ કરીને મહિલા ડ્રાઇવરો પસંદ કરવાની મંજૂરી આપે છે.

સેન્ટ્રલ કન્ઝ્યુમર પ્રોટેક્શન ઓથોરિટી (CCPA) એ મે 2025માં સૌપ્રથમ એડવાન્સ ટિપ ફીચરને "અન્યાયી વેપાર પ્રથા" તરીકે ચિહ્નિત કર્યા બાદ આ સુધારો કરવામાં આવ્યો છે. સીસીપીએ ત્યારે એગ્રીગેટર્સને નોટિસ જાહેર કરી હતી જ્યારે ગ્રાહકોએ ફરિયાદ કરી હતી કે "ટિપ ઉમેરો" ફીચરને રાઈડ બુકિંગને હરાજીમાં ફેરવી દીધું છે, જ્યાં ફક્ત પ્રીમિયમ બોલી લગાવવા તૈયાર લોકો જ કેબ બુક કરી શકતા હતા

પ્રી-ટ્રિપ ટિપ્સનો અંત

આ મામલાને ખતમ કરતા સંશોધિત દિશાનિર્દેશોમાં ક્લોઝ 14.15માં કહેવામાં આવ્યું છે કે “એપ મુસાફરોને ડ્રાઇવરને સ્વૈચ્છિક ટિપ આપવાની ફીચર આપી શકે છે, જો કે, આવી ફીચર ફક્ત મુસાફરી પૂર્ણ થયા પછી જ દેખાશે અને બુકિંગ સમયે ઉપલબ્ધ હોવી જોઈએ નહીં.”