હિમાચલ પ્રદેશના ત્રણ જિલ્લાઓમાં વાદળ ફાટવાથી મોટી તબાહી, 50થી વધુ લોકોના મોતની આશંકા

હિમાચલ પ્રદેશના ત્રણ જિલ્લાઓમાં વાદળ ફાટવાથી મોટી તબાહી થઈ છે. જેના કારણે ઘણી ઇમારતોને નુકસાન પહોંચ્યું છે. ઘણા લોકોના ગુમ થવાની માહિતી છે. હાલમાં, આ લોકોની શોધ માટે સર્ચ ઓપરેશન ચલાવવામાં આવી રહ્યું છે. આ દરમિયાન રાજ્યના મંત્રી વિક્રમાદિત્ય સિંહે મોટો દાવો કર્યો છે. તેમનું કહેવું છે કે આ ઘટનામાં લગભગ 50 લોકોના મૃત્યુની આશંકા છે. તેમણે કહ્યું, સત્તાવાર સંખ્યાની જાહેરાત રેસ્ક્યૂ ઓપરેશન પૂરું થયા બાદ જ કરી શકાય છે.

હિમાચલ સરકારના મંત્રી વિક્રમાદિત્ય સિંહે કહ્યું કે આ સમયે સરકારની સૌથી મોટી જવાબદારી મૃતદેહોને બહાર કાઢવાની છે. સાથે જ રાજ્યના પૂરગ્રસ્ત વિસ્તારોમાં સંપર્ક પુનઃસ્થાપિત કરવાનો છે. વાસ્તવમાં, બુધવારે (31 જુલાઈ) રાત્રે હિમાચલ પ્રદેશના કુલ્લુ, મંડી અને શિમલામાં વાદળ ફાટવાથી પૂર આવ્યું, જેમાં લોકોને ઘણું નુકસાન થયું. પૂર એટલું ભયાનક હતું કે હિમાચલનું સમેજ નામનું એક ગામ સંપૂર્ણપણે વહી ગયું. જોકે, સરકાર તરફથી આ ઘટનામાં 8 લોકોના મૃત્યુની માહિતી છે.