CWC બેઠકમાં હાજરી આપવા આવેલા કોંગ્રેસ નેતા પી ચિદમ્બરમની તબીયત લથડી

અમદાવાદમાં ચાલી રહેલી કોંગ્રેસ CWC બેઠકમાં હાજરી આપવા આવેલા કોંગ્રેસ નેતા પી ચિદમ્બરમ બેભાન થઈ ગયા હતા. સાબરમતી આશ્રમમાં ગરમીને કારણે તેઓ બેભાન થઈ ગયા, ત્યારબાદ તેમને હોસ્પિટલમાં લઈ જવામાં આવ્યા. તમને જણાવી દઈએ કે, 64  વર્ષ પછી, ભારતીય રાષ્ટ્રીય કોંગ્રેસ તેનું સંમેલન યોજી રહી છે, જેમાં પક્ષના ટોચના નેતાઓ ભાગ લઈ રહ્યા છે.

સાબરમતી આશ્રમથી એમ્બ્યુલન્સમાં પી ચિદમ્બરમ બેઠેલા હોવાનો એક વીડિયો પણ સામે આવ્યો છે. સમાચાર એજન્સી ANI એ તેનો વીડિયો જાહેર કર્યો છે. વીડિયોમાં જોવા મળી રહ્યું છે કે કેટલાક કોંગ્રેસ કાર્યકરો ચિદમ્બરમને એમ્બ્યુલન્સમાં બેસાડવા માટે લઈ જઈ રહ્યા છે. 

પી. ચિદમ્બરમની તબિયત ક્યારે બગડી?

આ ઘટના ત્યારે બની જ્યારે કોંગ્રેસના નેતાઓ તેમના રાષ્ટ્રીય સંમેલન પહેલા મહાત્મા ગાંધી સાથે સંકળાયેલા સાબરમતી આશ્રમ ગયા હતા. આ જૂથમાં કોંગ્રેસ અધ્યક્ષ મલ્લિકાર્જુન ખડગે, યુપીએ અધ્યક્ષ સોનિયા ગાંધી અને વરિષ્ઠ નેતા રાહુલ ગાંધી સામેલ હતા. તેઓ પ્રાર્થનાસભામાં ભાગ લેવા માટે આશ્રમમાં ભેગા થયા હતા.