ચૂંટણી રણનીતિકાર પ્રશાંત કિશોરની રાહુલ ગાંધીને સલાહ, તો રાહુલ ગાંધીએ.......

જો કોંગ્રેસને 2024ની લોકસભા ચૂંટણીમાં ધાર્યા પ્રમાણે પરિણામ નહીં મળે તો રાહુલ ગાંધીએ રાજકારણમાંથી બ્રેક લેવાનું વિચારવું જોઈએ. રાજકીય વ્યૂહરચનાકાર પ્રશાંત કિશોરે ન્યૂઝ એજન્સી પીટીઆઈને આપેલા ઈન્ટરવ્યુમાં આ વાત કહી.પ્રશાંતે કહ્યું- રાહુલ ગાંધી છેલ્લા 10 વર્ષથી કોંગ્રેસને જીતવા માટે નિષ્ફળ પ્રયાસ કરી રહ્યા છે. આ હોવા છતાં, તેમણે ન તો પોતાની જાતને રાજનીતિથી દૂર કરી અને ન તો અન્ય કોઈને પાર્ટીનો ચહેરો બનવા દીધો.

મારા મતે આ લોકશાહી નથી.પ્રશાંતે કહ્યું- જ્યારે તમે (રાહુલ ગાંધી) છેલ્લા 10 વર્ષથી એક જ કામ કરી રહ્યા છો અને તેમાં કોઈ સફળતા મળી નથી, તો બ્રેક લેવામાં કોઈ નુકસાન નથી. તમારે પાંચ વર્ષ બીજા કોઈને કરવા દેવા જોઈએ. તમારી માતાએ પણ એવું જ કર્યું.વધુમાં કહ્યું- પૂર્વ વડાપ્રધાન સ્વર્ગસ્થ રાજીવ ગાંધીની હત્યા બાદ સોનિયા ગાંધીએ શું કર્યું? 1991માં તેમણે રાજનીતિથી દૂરી લીધી હતી. કોંગ્રેસની કમાન પીવી નરસિમ્હા રાવને આપવામાં આવી હતી. તેનું પરિણામ તમે બધા જાણો છો.