ઇલેક્ટ્રિક કાર ટેસ્લાની ભારતમાં એન્ટ્રી, પહેલો શોરૂમ મુંબઈમાં ખુલશે

વિશ્વની પ્રખ્યાત ઇલેક્ટ્રિક કાર કંપની ટેસ્લા હવે ભારતમાં પ્રવેશવા માટે તૈયાર છે. રોઇટર્સના અહેવાલ મુજબ, ટેસ્લા 15 જુલાઈ, 2025 ના રોજ મુંબઈમાં પોતાનો પહેલો શોરૂમ ખોલવા જઈ રહી છે.

આ શોરૂમ એક "એક્સપિરિયન્સ સેન્ટર" હશે, જ્યાં લોકો ટેસ્લાના વાહનો જોઈ શકશે અને તેમની ટેસ્ટ ડ્રાઇવ પણ લઈ શકશે. આ પગલું ભારતના ઝડપથી વિકસતા ઇલેક્ટ્રિક વાહન બજાર માટે એક મોટી અને મહત્વપૂર્ણ તક સાબિત થઈ શકે છે.

શોરૂમ ક્યાં ખુલશે, શું ઉપલબ્ધ થશે?

• ભારતમાં ટેસ્લાનો પહેલો શોરૂમ મુંબઈમાં ખુલશે. કંપનીએ આ શોરૂમને પ્રીમિયમ જગ્યાએ ભાડે લીધો  છે. તે ફક્ત કાર પ્રદર્શિત કરવા માટેનું સ્થળ નહીં હોય, પરંતુ તેને પ્રીમિયમ અનુભવ કેન્દ્ર તરીકે ડિઝાઇન કરવામાં આવ્યું છે, જ્યાં ગ્રાહકો ટેસ્લાની ટેકનોલોજીને નજીકથી સમજી શકશે.
• આ શોરૂમમાં, ગ્રાહકો ટેસ્લાના વાહનોને સામેથી જોઈ અને સમજી શકશે, ઇન્ટરેક્ટિવ ડિસ્પ્લે અને તકનીકી માહિતી મેળવી શકશે,
• કારનો ટેસ્ટ ડ્રાઇવ લઈ શકશે અને ટેસ્લાની ચાર્જિંગ ટેકનોલોજી અને નવીનતાનો ડેમો પણ જોઈ શકશે.

ભારતમાં ટેસ્લા માટે તૈયારીઓ

• ટેસ્લાના સીઈઓ એલોન મસ્કના નેતૃત્વ હેઠળની કંપની લાંબા સમયથી ભારતમાં પ્રવેશવાની તૈયારી કરી રહી છે.
• આ વર્ષે માર્ચમાં, ટેસ્લાએ મુંબઈમાં શોરૂમ માટે જગ્યા નક્કી કરી હતી અને ત્યારથી કંપનીએ ભારતમાં નવા કર્મચારીઓની ભરતી પણ શરૂ કરી દીધી છે.
• ટેસ્લા હવે દિલ્હી અને અન્ય મોટા શહેરોમાં જગ્યા શોધી રહી છે જેથી તે ભારતમાં ઝડપથી તેનું નેટવર્ક વિસ્તૃત કરી શકે.