આખરે કેજરીવાલને તિહાર જેલમાંથી મળ્યો છુટકારો,વાંચો શું આપી પહેલી પ્રતિક્રિયા

દિલ્હીના મુખ્યમંત્રી અરવિંદ કેજરીવાલ શુક્રવારે તિહાર જેલમાંથી મુક્ત થયા છે. આ પછી તેમણે કહ્યું કે તમારા લોકોની વચ્ચે રહીને ખૂબ જ સારું લાગે છે. મેં કહ્યું હતું કે હું જલ્દી આવીશ, લો આવી ગયો.

આમ આદમી પાર્ટીના રાષ્ટ્રીય સંયોજક અરવિંદ કેજરીવાલે કહ્યું, "140 કરોડ લોકોએ તાનાશાહી સામે લડવું પડશે." દેશને તાનાશાહીમાંથી બચાવવાનો છે. આવતીકાલે સવારે 11 વાગ્યે કનોટ પ્લેટના હનુમાન મંદિરની મુલાકાત લેશે. આવતીકાલે બપોરે 1 વાગ્યે પાર્ટી ઓફિસમાં પ્રેસ કોન્ફરન્સ થશે.

દિલ્હીના મુખ્યમંત્રી અરવિંદ કેજરીવાલને સુપ્રીમ કોર્ટમાંથી મોટી રાહત મળી હતી. સુપ્રીમ કોર્ટે શુક્રવારે (10 મે) કેજરીવાલને 1 જૂન સુધી વચગાળાના જામીન આપ્યા હતા.