આજે નાણામંત્રી નિર્મલા સીતારમણ વચગાળાનું બજેટ કરશે રજૂ

નાણામંત્રી નિર્મલા સીતારમણ આજે 1 ફેબ્રુઆરી 2024એ કેન્દ્રીય બજેટ રજૂ કરશે. એવામાં અમે તમને બજેટ સાથે જોડાયેલી અમુક એવી વાતો જણાવીશું જે બધાના માટે જાણવી જરૂરી છે.

જાણો બજેટ સાથે જોડાયેલી ખાસ વાતો

1. ભારતમાં પહેલી વખત બજેટ 7 એપ્રિલ 1860માં રજૂ કરવામાં આવ્યું હતું. તે સમયે દેશમાં બ્રિટિશ શાસન હતું. સ્કોટિશ અર્થશાસ્ત્રી અને ઈસ્ટ ઈન્ડિયા કંપનીના રાજનેતા જેમ્સ વિલ્સને પહેલા બજેટ રજૂ કર્યું હતું.

2. ત્યાં જ આઝાદ ભારતનું પહેલું બજેટ 26 નવેમ્બર 1947એ રજૂ કરવામાં આવ્યું હતું. તે સમયે ભારતના નાણામંત્રી આરકે શટમુખમ શેટ્ટી હતા.

3. સૌથી લાંબા બજેટ ભાષણનો રેકોર્ડ નાણામંત્રી નિર્મલા સીતારમણના નામે છે. તેમણે 1 ફેબ્રુઆરી 2020એ 2 કલાક 42 મિનિટનું ભાષણ આપ્યું હતું.

4. સૌથી વધારે વખત બજેટ પૂર્વ પ્રધાનમંત્રી મોરારજી દેસાઈએ રજૂ કર્યું હતું. તેમણે કુલ 10 વખત ભારતનું બજેટ રજૂ કર્યું હતું.

5. વર્ષ 1955 સુધી બજેટ ફક્ત અંગ્રેજી ભાષામાં રજૂ કરવામાં આવતું હતું પરંતુ પછી કોંગ્રેસ સરકારે બજેટને હિંદી અને અંગ્રેજી બન્ને ભાષામાં પ્રિંટ કરવાનો નિર્ણય કર્યો હતો.

6. કોરોના મહામારી વખતે વર્ષ 2021-22માં પહેલી વખત પેપરલેસ મોડમાં બજેટ રજૂ કરવામાં આવ્યું હતું.

7. બજેટ રજૂ કરનાર પહેલા મહિલા પૂર્વ પ્રધાનમંત્રી ઈંદિરા ગાંધી હતા.

8. વર્ષ 2017 સુધી સામાન્ય બજેટ અને રેલવે બજેટ અલગ અલગ રજૂ કરવામાં આવતા હતા. પરંતુ વર્ષ 2017માં 92 વર્ષ જુની પરંપરાને તોડતા બન્ને બજેટ સાથે જ રજૂ કરવામાં આવ્યા.

9. વર્ષ 1950 સુધી બજેટ રાષ્ટ્રપતિ ભવનમાં રજૂ કરવામાં આવતું હતું પરંતુ ત્યાર બાદથી બજેટ પ્રિટિંગને મિંટો રોડ, નવી દિલ્હી શિફ્ટ કરવામાં આવ્યું.