IND vs SA : ભારતે દક્ષિણ આફ્રિકાને 232 રનનો આપ્યો ટાર્ગેટ , હાર્દિક પંડ્યા અને તિલક વર્માએ તોફાની ઇનિંગ્સ રમી

ભારત અને દક્ષિણ આફ્રિકા વચ્ચે અમદાવાદના નરેન્દ્ર મોદી સ્ટેડિયમમાં રમાઈ રહેલી પાંચ મેચોની ટી20 સિરીઝનો પાંચમો અને અંતિમ મુકાબલો ક્રિકેટપ્રેમીઓ માટે રોમાંચથી ભરેલો રહ્યો. આ નિર્ણાયક મેચમાં ભારતીય ટીમે શાનદાર બેટિંગ પ્રદર્શન કરતા દક્ષિણ આફ્રિકા સામે જીત માટે 232 રનનો વિશાળ લક્ષ્યાંક મૂક્યો. હાર્દિક પંડ્યા અને તિલક વર્માની તોફાની ઇનિંગ્સે સ્ટેડિયમમાં બેઠેલા દર્શકોને ખુશ કરી દીધા અને સોશિયલ મીડિયા પર પણ તેમની બેટિંગની ભારે ચર્ચા શરૂ થઈ ગઈ.

ભારતીય ટીમ માટે આ મેચ ખાસ હતી કારણ કે તે પહેલેથી જ સિરીઝમાં 2-1થી આગળ હતી અને છેલ્લી મેચ જીતીને સિરીઝ પર કબજો જમાવવાનો મોકો હતો. શરૂઆતમાં જ ટીમ ઇન્ડિયાએ આક્રમક અભિગમ અપનાવ્યો અને સ્પષ્ટ કરી દીધું કે તેઓ માત્ર જીત માટે નહીં, પરંતુ દમદાર પ્રદર્શન માટે મેદાનમાં ઉતર્યા છે.ઇનિંગ્સની શરૂઆત સંજુ સેમસન અને અભિષેક શર્માએ કરી. બંનેએ મળીને પહેલા વિકેટ માટે 63 રનની ઝડપી ભાગીદારી નોંધાવી. અભિષેક શર્માએ નિર્ભય બેટિંગ કરતા 21 બોલમાં 34 રન બનાવ્યા, જેમાં 6 ચોગ્ગા અને એક સિક્સર સામેલ હતી. તેમની ઇનિંગ્સે ભારતીય ઇનિંગ્સને મજબૂત પાયો આપ્યો. જોકે, તેમને કોર્બિન બોશે આઉટ કરી દીધા. ત્યારબાદ સંજુ સેમસન પણ વધારે સમય ટકી શક્યા નહીં અને 22 બોલમાં 37 રન બનાવીને જૉર્જ લિન્ડની સ્પિનમાં ફસાઈ ગયા. કપ્તાન સૂર્યકુમાર યાદવ પાસેથી મોટી ઇનિંગ્સની અપેક્ષા હતી, પરંતુ તેઓ ફરી એકવાર નિરાશાજનક રહ્યા અને માત્ર 5 રન બનાવીને પેવેલિયન પરત ફર્યા. આ તબક્કે ભારતીય ફેન્સમાં થોડી ચિંતા જોવા મળી, પરંતુ ત્યારબાદ મેદાન પર જે બન્યું તે સંપૂર્ણ રીતે મેચનો દિશા ફેરવી નાખનારું સાબિત થયું.અંતે ભારતીય ટીમે નિર્ધારિત ઓવરમાં 231 રન બનાવ્યા અને દક્ષિણ આફ્રિકા સામે 232 રનનો કઠિન ટાર્ગેટ મૂક્યો. આ સ્કોર ટી20 ક્રિકેટમાં કોઈપણ ટીમ માટે પડકારજનક માનવામાં આવે છે, ખાસ કરીને દબાણભરી અંતિમ મેચમાં.