ભારતે બાંગ્લાદેશથી જમીન માર્ગે આવતી કેટલીક આયાત પર મૂક્યો પ્રતિબંધ

ભારતે બાંગ્લાદેશથી જમીન માર્ગે આવતી કેટલીક આયાત પર પ્રતિબંધ મૂક્યો છે, જેના કારણે બાંગ્લાદેશને મોટું નુકસાન સહન કરવું પડશે. પરંતુ આ અંગે એક મોટી અપડેટ આવી છે. ભારતે આ પાછળનું કારણ જણાવ્યું છે.

ભારતે બાંગ્લાદેશથી કેટલીક આયાત પર કડક પ્રતિબંધ લગાવ્યો છે. એવું જાણવા મળ્યું છે કે ભારતે બંને દેશો વચ્ચે વેપારમાં સમાનતા લાવવા માટે આ પગલું ભર્યું છે. ઉપરાંત ભારત ઇચ્છે છે કે બાંગ્લાદેશ સાથે વેપાર પરસ્પર સંમતિથી થવો જોઈએ.ભારતે બાંગ્લાદેશ સાથે વેપાર સંતુલિત કરવા માટે એક મોટો નિર્ણય લીધો છે. સરકારી સૂત્રોના જણાવ્યા અનુસાર ભારત ઇચ્છે છે કે બાંગ્લાદેશ સાથે વેપાર પરસ્પર શરતો પર થાય. તાજેતરમાં બાંગ્લાદેશે ભારતીય દોરા, ચોખા અને અન્ય માલ પર પ્રતિબંધ મૂક્યો હતો અને ભારતીય સામાનનું નિરીક્ષણ પણ વધાર્યું હતું. જવાબમાં ભારતે 17 મેના બાંગ્લાદેશથી $770 મિલિયનની આયાત પર પ્રતિબંધ મૂક્યો હતો, જે કુલ દ્વિપક્ષીય આયાતના લગભગ 42% છે.