જમ્મુ-કાશ્મીર : પુંછ જિલ્લાના સુરનકોટમાં આતંકવાદીઓએ ભારતીય વાયુસેનાના કાફલા પર કર્યો હુમલો

જમ્મુ-કાશ્મીરના પુંછ જિલ્લાના સુરનકોટમાં આતંકવાદીઓએ ભારતીય વાયુસેનાના કાફલા પર હુમલો કર્યો હતો. જેમાં પાંચ જવાનો ઘાયલ થયા હતા. સ્થાનિક રાષ્ટ્રીય રાઈફલ્સ યુનિટે આ વિસ્તારમાં ઘેરાબંધી અને સર્ચ ઓપરેશન શરૂ કર્યું છે. શાહસિતાર પાસેના જનરલ એરિયામાં એરબેઝની અંદર વાહનોને સુરક્ષિત કરવામાં આવ્યા છે. હાલમાં સેનાએ વિસ્તારને ઘેરી લીધો છે.

આ હુમલામાં એરફોર્સના 4 જવાન પણ ઘાયલ થયા છે. આતંકીઓએ સેનાના વાહનો પર જોરદાર ગોળીબાર કર્યો હતો. આ પછી, વધારાના દળોને વિસ્તારમાં મોકલવામાં આવ્યા છે અને આતંકવાદ વિરોધી અભિયાન ચલાવવામાં આવી રહ્યું છે. ગયા વર્ષે સૈન્ય પર શ્રેણીબદ્ધ આતંકવાદી હુમલાના સાક્ષી રહેલા વિસ્તારમાં આ વર્ષે સશસ્ત્ર દળો પર આ પહેલો મોટો હુમલો છે. હુમલા બાદ જે તસવીરો સામે આવી છે તેમાં વાહનની વિન્ડસ્ક્રીન પર ઓછામાં ઓછા એક ડઝન બુલેટના છિદ્રો દેખાય છે.