આગામી 7 દિવસ દરમિયાન ઉત્તરપૂર્વ ભારતમાં મોટાભાગના સ્થળોએ હળવાથી મધ્યમ વરસાદની સંભાવના

આગામી 24 કલાક દરમિયાન દેશના ઘણા ભાગોમાં ભારેથી અતિ ભારે વરસાદની સંભાવના છે. IMD મુજબ, 3 અને 4 જૂને પૂર્વોત્તર રાજ્યો સહિત અન્ય ઘણા ભાગોમાં વાવાઝોડા સાથે વરસાદ ચાલુ રહેશે.

IMDનો અંદાજ છે કે આગામી 3 દિવસ દરમિયાન ઉત્તર-પશ્ચિમ ભારતમાં વાવાઝોડા અને તોફાની પવન ચાલુ રહી શકે છે. પવનની ગતિ 40 થી 70 કિમી પ્રતિ કલાકની હોઈ શકે છે.

હવામાન વિભાગ અનુસાર, આગામી 7 દિવસ દરમિયાન ઉત્તરપૂર્વ ભારતમાં મોટાભાગના સ્થળોએ હળવાથી મધ્યમ વરસાદની સંભાવના છે. કેટલાક સ્થળોએ મુશળધાર વરસાદ પણ પડી શકે છે. 3 જૂનથી 4 જૂન દરમિયાન અલગ અલગ સ્થળોએ ભારેથી અતિ ભારે વરસાદ અને આગામી 2 દિવસમાં અલગ અલગ સ્થળોએ ભારે વરસાદની સંભાવના છે.

જમ્મુ-કાશ્મીર, હિમાચલ પ્રદેશ, ઉત્તરાખંડ, પંજાબ, હરિયાણા-ચંદીગઢ-દિલ્હીમાં 40 થી 50 કિમી પ્રતિ કલાકની ઝડપે પવન સાથે હળવો થી મધ્યમ વરસાદ પડી શકે છે.

ઉત્તર પ્રદેશ અને રાજસ્થાનમાં અલગ-અલગ સ્થળોએ વરસાદની સંભાવના છે. ઉત્તરાખંડ, પંજાબ, હરિયાણા-ચંદીગઢ-દિલ્હી, પશ્ચિમ ઉત્તર પ્રદેશ, રાજસ્થાનમાં 50 થી 60 કિમી પ્રતિ કલાકની ઝડપે તોફાની પવન ફૂંકાઈ શકે છે.

આગામી 7 દિવસ સુધી ઉપ-હિમાલયી પશ્ચિમ બંગાળ અને સિક્કિમમાં મોટાભાગના સ્થળોએ હળવોથી મધ્યમ વરસાદ પડી શકે છે. આ ઉપરાંત, મધ્યપ્રદેશ, વિદર્ભ, છત્તીસગઢમાં 3 થી 6 જૂન સુધી અને બિહાર, પશ્ચિમ બંગાળ, ઝારખંડમાં 3 અને 4 જૂન સુધી જોરદાર પવન ફૂંકાઈ શકે છે.