PM મોદી અને બાંગ્લાદેશના મુખ્ય સલાહકાર મોહમ્મદ યુનુસ વચ્ચે બેઠક, મોદીએ બાંગ્લાદેશમાં જલ્દી ચૂંટણી કરાવવા કરી અપીલ

શુક્રવારે પ્રધાનમંત્રી મોદીએ બાંગ્લાદેશના મુખ્ય સલાહકાર મોહમ્મદ યુનુસ સાથે વાત કરી. આ દરમિયાન તેમણે બાંગ્લાદેશમાં જલ્દી ચૂંટણી કરાવવાની અપીલ કરી.

તેમણે સંબંધોને નુકસાન પહોંચાડી શકે તેવા નિવેદનો ટાળવા પણ કહ્યું છે.ભારતના વિદેશ સચિવ વિક્રમ મિશ્રીએ મોદી-યુનુસ મુલાકાત વિશે માહિતી આપી. તેમણે પ્રેસ કોન્ફરન્સમાં જણાવ્યું કે મોદીએ યુનુસને કહ્યું કે ચૂંટણી લોકશાહીનો ખૂબ જ મહત્વપૂર્ણ ભાગ છે.

પ્રધાનમંત્રીએ આશા વ્યક્ત કરી કે બાંગ્લાદેશ ટૂંક સમયમાં લોકશાહી અને સ્થિર સરકાર જોશે.બંને નેતાઓ વચ્ચે બાંગ્લાદેશમાં લઘુમતીઓની સ્થિતિ અંગે પણ ચર્ચા થઈ. પીએમ મોદીએ આ મુદ્દો ખુલ્લેઆમ ઉઠાવ્યો. યુનુસે ખાતરી આપી કે બાંગ્લાદેશ સરકાર તેની જવાબદારીઓ નિભાવશે.બંને નેતાઓએ આ મુલાકાત થાઇલેન્ડમાં BIMSTEC સમિટ દરમિયાન કરી હતી. ગયા વર્ષે ઓગસ્ટમાં બાંગ્લાદેશમાં થયેલા વિદ્રોહ પછી પીએમ મોદી યુનુસને પહેલીવાર મળ્યા છે.