ચેન્નાઈ થર્મલ પાવર સ્ટેશન (એન્નોર)ના બાંધકામ દરમિયાન નિર્માણાધીન કમાન તૂટી પડતાં નવ કામદારોના મોત

ઉત્તર ચેન્નાઈ થર્મલ પાવર સ્ટેશન (એન્નોર) ના બાંધકામ સ્થળે એક મોટો અકસ્માત થયો. નિર્માણાધીન કમાન તૂટી પડતાં નવ કામદારોના મોત થયા હતા અને 10 અન્ય ઘાયલ થયા હતા. પ્રાથમિક અહેવાલો અનુસાર, આશરે 30 ફૂટની ઊંચાઈથી પડેલી કમાન અનેક સ્થળાંતરિત કામદારો પર પડી હતી. અચાનક થયેલા અકસ્માતથી સ્થળ પર અફરાતફરીનો માહોલ જોવા મળ્યો હતો. ઘણા કામદારો કાટમાળ નીચે ફસાયા હતા અને તેમને ખૂબ જ મુશ્કેલીથી બચાવી લેવામાં આવ્યા હતા.

સૂત્રોના જણાવ્યા અનુસાર, એક કામદારની હાલત ગંભીર હોવાનું જાણવા મળ્યું છે, જ્યારે 10થી વધુ લોકોને ગંભીર ઈજાઓ પહોંચી છે. તમામ ઘાયલોને તાત્કાલિક ઉત્તર ચેન્નાઈની સ્ટેનલી સરકારી હોસ્પિટલમાં લઈ જવામાં આવ્યા હતા, જ્યાં તેઓ સારવાર લઈ રહ્યા છે.