ઓપરેશન સિંદૂર : પાકિસ્તાન દ્વારા રાત્રે કરાયેલા હુમલામાં જમ્મુ શહેરના રહેણાંક વિસ્તારોને થયું નુકસાન

પાકિસ્તાન તરફથી સતત થઈ રહેલા હુમલાઓ વચ્ચે, જમ્મુ-કાશ્મીરના અખનૂર સેક્ટરમાં રાતથી જ બ્લેકઆઉટ જાહેર કરવામાં આવ્યું છે. પાકિસ્તાન દ્વારા રાત્રે કરાયેલા હુમલા પછી, જમ્મુ-કાશ્મીરથી સવારની તસવીરો સામે આવી છે.

ભારત અને પાકિસ્તાન વચ્ચે તણાવ સતત વધી રહ્યો છે. બંને દેશો યુદ્ધની અણી પર ઉભા છે અને તેમની સેનાઓ તૈનાત છે. ગઈકાલે રાત્રે બંને દેશો તરફથી મિસાઈલ હુમલા કરવામાં આવ્યા. ભારતે પાકિસ્તાનના ચાર એરબેઝને નિશાન બનાવ્યા છે. આ સાથે, પાકિસ્તાન દ્વારા ભારતના ઘણા શહેરોને નિશાન બનાવવામાં આવ્યા હતા, જેને ભારતની એર ડિફેન્સ સિસ્ટમે નિષ્ફળ કરી દીધા. પાકિસ્તાને શ્રીનગર સહિત અનેક સરહદી વિસ્તારોમાં સૈનિકો એકઠા કરવાનું શરૂ કરી દીધું છે.

સૂત્રો પાસેથી પ્રાપ્ત માહિતી અનુસાર, શ્રીનગર અને આસપાસના વિસ્તારોમાં પાકિસ્તાન સાથે ભારે અથડામણ ચાલી રહી છે. સેનાએ આ વિસ્તારમાં સપાટીથી હવામાં પ્રહાર કરતી મિસાઇલ સિસ્ટમ એક્ટિવ કરી દીધી છે.પાકિસ્તાન દ્વારા રાત્રે કરાયેલા હુમલા પછી, જમ્મુ-કાશ્મીરથી સવારની તસવીરો સામે આવી છે. ગોળીબારને કારણે જમ્મુ શહેરના રહેણાંક વિસ્તારોને નુકસાન થયું છે. ઘણા ઘરોને નુકસાન થયું છે.