પીએમ મોદી COP28માં ભાગ લેવા દુબઈ પહોંચ્યા, ‘ભારત માતા કી જય’ અને ‘વંદે માતરમ’ના નારા સાથે કરાયું ઉષ્માભર્યા સ્વાગત
વડાપ્રધાન નરેન્દ્ર મોદી વર્લ્ડ ક્લાઈમેટ એક્શન સમિટ (COP28)માં ભાગ લેવા ગુરુવારે મોડી રાત્રે દુબઈ પહોંચ્યા હતા. દુબઈમાં તેમના આગમનને લઈને ભારતીય સમુદાયમાં ભારે ઉત્સાહ જોવા મળ્યો હતો. આ દરમિયાન ‘ભારત માતા કી જય’ અને ‘વંદે માતરમ’ના નારા લગાવ્યા હતા.
પીએમ મોદીએ સોશિયલ મીડિયા પર જણાવ્યું હતું કે તેઓ COP28 સમિટમાં ભાગ લેવા માટે દુબઈ પહોંચ્યા છે. એક સારો ગ્રહ (પૃથ્વી) બનાવવા માટે આ સમિટમાં ભાગ લેવા માટે આતુર છું. તેમણે કહ્યું કે દુબઈમાં ભારતીય સમુદાયના ઉષ્માભર્યા સ્વાગતથી તેઓ પ્રભાવિત થયા છે. તેમનો સહકાર અને ઉત્સાહ આપણી જીવંત સંસ્કૃતિ અને મજબૂત સંબંધોનો પુરાવો છે.
Deeply moved by the warm welcome from the Indian community in Dubai. Their support and enthusiasm is a testament to our vibrant culture and strong bonds. pic.twitter.com/xQC64gcvDJ
— Narendra Modi (@narendramodi) November 30, 2023
દુબઈ જતા પહેલા પીએમ મોદીએ કહ્યું હતું કે જ્યારે પણ વાતાવરણની વાત આવે છે ત્યારે ભારતે હંમેશા જે કહ્યું છે તે કર્યું છે. તેમણે કહ્યું કે G-20ની યજમાની વખતે જળવાયુ પરિવર્તનનો મુદ્દો અમારી પ્રાથમિકતામાં ટોચ પર હતો. નવી દિલ્હીના નેતાઓની ઘોષણામાં જળવાયુ પરિવર્તન અને ટકાઉ વિકાસ અંગેના ઘણા નક્કર પગલાંનો સમાવેશ થાય છે. હું આ મુદ્દાઓ પર COP28 આગળ સર્વસંમતિની અપેક્ષા રાખું છું.
વિદેશ મંત્રાલયના પ્રવક્તા અરિંદમ બાગચીએ સોશિયલ મીડિયા પ્લેટફોર્મ X પર જણાવ્યું કે પીએમ મોદી COP28 સમિટ માટે UAE પહોંચી ગયા છે. UAE ના ડેપ્યુટી PM અને ગૃહમંત્રી શેખ સૈફ બિન જાયદ અલ નાહયાને એરપોર્ટ પર તેમનું સ્વાગત કર્યું હતું.
દુબઈમાં પીએમ મોદીની હોટલની બહાર ભારતીય મૂળના લોકોની મોટી ભીડ એકઠી થઈ છે. આ લોકો પીએમ મોદીની એક ઝલક મેળવવા માટે ત્યાં પહોંચ્યા હતા. પીએમ મોદીની દુબઈ મુલાકાતને લઈને ભારતીય મૂળના લોકોમાં ભારે ઉત્સાહ જોવા મળી રહ્યો છે.