પીએમ મોદીએ દિલ્હી પાલમ એરપોર્ટ પર રાષ્ટ્રપતિ વ્લાદિમીર પુતિનનું ઉષ્માભર્યું કર્યું સ્વાગત

રશિયાના રાષ્ટ્રપતિ વ્લાદિમીર પુતિન ભારતની તેમની મહત્વપૂર્ણ બે દિવસીય મુલાકાત માટે રાજધાની દિલ્હી પહોંચ્યા છે. પીએમ મોદીએ પાલમ એરપોર્ટ પર પુતિનનું ગળે મળી સ્વાગત કર્યું હતું. બંને નેતાઓ એક જ કારમાં એરપોર્ટથી નીકળ્યા હતા.  રશિયાના રાષ્ટ્રપતિ વ્લાદિમીર પુતિન ગુરુવારે સાંજે બે દિવસની મુલાકાતે ભારત પહોંચ્યા હતા. દિલ્હી એરપોર્ટ પર ઉષ્માભર્યું સ્વાગત થયા પછી તરત જ પ્રધાનમંત્રી નરેન્દ્ર મોદીએ તેમના ખાસ મિત્ર માટે સ્વાગત સંદેશ જારી કર્યો છે. 

પ્રધાનમંત્રી મોદીએ પોતાના સોશિયલ મીડિયા એકાઉન્ટ એક્સ પર રશિયાના રાષ્ટ્રપતિનું સ્વાગત કરતા લખ્યું, "મારા મિત્ર,  રાષ્ટ્રપતિ પુતિનનું ભારતમાં સ્વાગત કરીને આનંદ થયો. આજે સાંજે અને આવતીકાલે આપણી વાતચીતની રાહ જોઈ રહ્યો છું. ભારત-રશિયા મિત્રતા સમયની કસોટી પર ખરી ઉતરી છે અને તેનાથી આપણા લોકોને ખૂબ જ લાભ થયા છે."

રાષ્ટ્રપતિ પુતિનનું વિમાન પાલમ એરપોર્ટ પર ઉતર્યું હતું. પીએમ મોદીએ એરપોર્ટ પર પુતિનને ગળે મળીને ઉષ્માભર્યું સ્વાગત કર્યું હતું. રશિયા-યુક્રેન યુદ્ધ શરૂ થયા પછી આ તેમની પહેલી ભારત મુલાકાત છે.  પ્રધાનમંત્રી નરેન્દ્ર મોદી આજે સાંજે તેમના સન્માનમાં રાત્રિભોજનનું પણ આયોજન કર્યું છે. એવું માનવામાં આવે છે કે આ મુલાકાત દરમિયાન ભારત અને રશિયા વચ્ચે S-400 મિસાઇલ સિસ્ટમની ખરીદી સહિત અનેક મહત્વપૂર્ણ કરારો પર હસ્તાક્ષર થઈ શકે છે.

રશિયાના રાષ્ટ્રપતિ વ્લાદિમીર પુતિન અગાઉ 6 ડિસેમ્બર, 2021 ના ​​રોજ ભારતની મુલાકાતે આવ્યા હતા. રશિયા-યુક્રેન સંઘર્ષ પછી પુતિનની આ પહેલી ભારત મુલાકાત છે. પુતિનની આ મુલાકાત ભારત-રશિયા વ્યૂહાત્મક સંબંધોની 25મી વર્ષગાંઠ નિમિત્તે છે, જે 2000 માં રાષ્ટ્રપતિ પુતિન અને ભારતના તત્કાલીન વડા પ્રધાન અટલ બિહારી વાજપેયી વચ્ચે વ્યૂહાત્મક ભાગીદારી પર હસ્તાક્ષર સાથે શરૂ થઈ હતી.