પીએમ મોદી ફરી આવશે ગુજરાત, આ ટેન્ટ સીટીના ભૂમિ પૂજનમાં હાજરીમાં આપે તેવી શક્યતા

વાઈબ્રન્ટ સમિટ બાદ ફરી એક વખત વડાપ્રધાન ગુજરાતના મહેમાન બનશે. આ વખતે પીએમ મોદી વડોદરાની મુલાકાત લેશે. 10 ફેબ્રુઆરીએ પીએમ મોદી વડોદરા આવી શકે છે. પાંજરાપોળ ખાતે બનનારા ટેન્ટ સિટીના ભૂમિ પૂજનમાં પીએમ આવે તેવી શક્યતા છે. 50 હજારથી વધુની જનમેદનીને પીએમ સંબોધન કરે તેવી તૈયારીઓ શરૂ કરવામાં આવી છે.

PM નરેન્દ્ર મોદીએ મંગળવાર, 16 જાન્યુઆરીના રોજ આંધ્ર પ્રદેશના સત્યસાઈના લેપાક્ષીમાં આવેલા ઐતિહાસિક વીરભદ્ર મંદિરમાં પ્રાર્થના કરી હતી. આ દરમિયાન તેમણે ભગવાન રામના ભજન ગાયા. વડાપ્રધાન મોદીએ અયોધ્યામાં ભવ્ય રામજન્મભૂમિ મંદિરના અભિષેક સમારોહના માત્ર છ દિવસ પહેલા મંદિરમાં વિશેષ પૂજા કરી હતી, જેનું રામાયણ અને હિન્દુ ધર્મમાં ઘણું મહત્વ છે. પીએમ મોદીએ ભગવાન રામની સ્તુતિમાં ભજન ગાયા અને ભગવાનની સ્તુતિમાં તેલુગુમાં ગાયેલા વિશેષ ભજનો સાંભળ્યા. વડાપ્રધાન મોદીએ રામ, લક્ષ્મણ, સીતા અને રાવણને દર્શાવતા હિન્દુ મહાકાવ્ય રામાયણ પર આધારિત પપેટ શો પણ જોયો હતો.