![રાજસ્થાન: હિન્દુસ્તાન કોપર લિમિટેડની કોલિહાન ખાણમાં મોટી દુર્ઘટના, લિફ્ટનું દોરડું તૂટવાથી 14 લોકો ફસાયા](https://img-cdn.thepublive.com/fit-in/640x430/filters:format(webp)/connect-gujarat/media/post_banners/dadc36bc199111ec7ebd9b4b0d84365fd157df8215901e493bda483e7575dcb9.webp)
નીમકથાણા જિલ્લામાં હિન્દુસ્તાન કોપર લિમિટેડની કોલિહાન ખાણમાં 14 મેની રાત્રે એક મોટો અકસ્માત થયો હતો. ખાણમાં લિફ્ટની ચેઈન તૂટી ગઈ. કોલકાતાની વિજિલન્સ ટીમ અને ખેત્રી કોપર કોર્પોરેશન (KCC)ના વરિષ્ઠ અધિકારીઓ લિફ્ટમાં ફસાયા છે.જણાવવામાં આવી રહ્યું છે કે 15 લોકો 1875 ફૂટની ઊંડાઈમાં ફસાયેલા છે.
આસપાસના વિસ્તારોમાંથી એમ્બ્યુલન્સ અને ડોક્ટરોની ટીમને ઘટનાસ્થળે પહોંચી છે.ખાણમાં 13 મેથી તપાસ ચાલી રહી હતી. 14મી મેની સાંજે કેસીસી ચીફ સહિત વિજિલન્સ ટીમ ખાણોમાં ઉતરી હતી. રાત્રે 8:10 વાગ્યે ખાણમાંથી બહાર નીકળતી વખતે લિફ્ટની ચેઈન તૂટી ગઈ હતી.રેપિડ રિસ્પોન્સ ટીમના ઈન્ચાર્જ મહેન્દ્ર સિંહે કહ્યું- ખાણની અંદર જવા માટે લિફ્ટનું દોરડું તૂટી ગયું હતું. વહીવટી અધિકારીઓને જાણ કરવામાં આવી છે. દરેક લોકો સ્થળ પર પહોંચી રહ્યા છે. ટૂંક સમયમાં જ તમામ રાહત અને બચાવ ટુકડીઓ ઘટનાસ્થળે પહોંચી ગઈ હતી.