/connect-gujarat/media/post_banners/d6440474b82ea02dbfdd838b1d3ca6561af9dd50382a6cd010731a0443b5727a.webp)
ઉધમપુરમાં આ સમયે ગભરાટનો માહોલ છે. છેલ્લા આઠ કલાકમાં થયેલા બે બોમ્બ વિસ્ફોટથી નગરમાં સનસનાટી મચી ગઈ છે. આ બંને બોમ્બ વિસ્ફોટોમાં અત્યાર સુધીમાં બે લોકો ઘાયલ થયા હોવાના અહેવાલ છે. પોલીસનું કહેવું છે કે, તેઓ આ બોમ્બ વિસ્ફોટો વિશે જાણવાનો પ્રયાસ કરી રહ્યા છે, જ્યારે પહેલો બોમ્બ વિસ્ફોટ લગભગ 10.45 વાગ્યે થયો હતો, જ્યારે બીજો બ્લાસ્ટ આજે સવારે 5.42 વાગ્યે ઉધમપુર બસ સ્ટેન્ડ પર પાર્ક કરેલી બસમાં થયો હતો. બીજા બોમ્બ ધડાકામાં કોઈ જાનહાનિ થઈ નથી.
વિસ્ફોટની પુષ્ટિ કરતા એડીજીપી જમ્મુ મુકેશ સિંહે કહ્યું કે, પહેલો વિસ્ફોટ ઉધમપુરના ડોમેલ ચોક પાસે પેટ્રોલ પંપ પર ઉભેલી બસમાં થયો હતો, જ્યારે બીજો વિસ્ફોટ આજે સવારે જૂના બસ સ્ટેન્ડની અંદર પાર્ક કરેલી બસમાં થયો હતો. આ બંને વિસ્ફોટ એક જ હતા. રાત્રિના બોમ્બ વિસ્ફોટમાં કંડક્ટર સહિત બે લોકો ઘાયલ થયા હતા, જ્યારે આજે સવારના બોમ્બ વિસ્ફોટમાં કોઈને ઈજા થઈ નથી. બ્લાસ્ટની ઘટનાની જાણ થતાં જ પોલીસની ટીમ ઘટનાસ્થળે પહોંચી ગઈ હતી. પ્રત્યક્ષદર્શીઓએ જણાવ્યું કે વિસ્ફોટ ઉધમપુર-રામનગર વચ્ચે ચાલતી બસ JK14C-3636માં થયો હતો. જણાવવામાં આવી રહ્યું છે કે, આ વિસ્ફોટ રાત્રે ડોમેલ પેટ્રોલ પંપ પર ઉભેલી બસમાં થયેલા વિસ્ફોટ કરતા વધુ જોરદાર હતો. આ બ્લાસ્ટમાં બસ ધડાકાભેર ઉડી ગઈ હતી, જ્યારે નજીકમાં પાર્ક કરેલી અન્ય બસોને પણ નુકસાન થયું હતું. એક પોલીસ અધિકારીએ જણાવ્યું કે, પ્રાથમિક તપાસમાં જાણવા મળ્યું છે કે, બ્લાસ્ટ બસની અંદર થયો હતો. જોકે, પોલીસ અધિકારીઓએ લોકોને સંયમ રાખવા જણાવ્યું છે. તેમણે દાવો કર્યો છે કે, આ વિસ્ફોટો પાછળના રાષ્ટ્રવિરોધી તત્વોનો બહુ જલ્દી પર્દાફાશ કરવામાં આવશે.