હિમાચલ પ્રદેશમાં ભૂકંપના જોરદાર આંચકા, તીવ્રતા 5.3ની નોંધાઇ

હિમાચલ પ્રદેશના ચંબામાં ભૂકંપના જોરદાર આંચકા અનુભવાયા છે. રિક્ટર સ્કેલ પર તેની તીવ્રતા 5.3 માપવામાં આવી છે. હજુ સુધી કોઈના જીવન કે સંપત્તિ વિશે કોઈ માહિતી બહાર આવી નથી.સમગ્ર શહેરમાં અને મનાલીમાં પણ જોરદાર ભૂકંપના આંચકા અનુભવાયા છે. તે ચંબાથી લગભગ 100 કિમી દૂર છે.

હિમાચલમાં ભૂકંપના આંચકા અનુભવાયાની થોડી મિનિટો પહેલા જમ્મુ ખીણમાં પણ ભૂકંપના આંચકા અનુભવાયા હતા.ભૂકંપનું કેન્દ્ર જમીનની સપાટીથી લગભગ 10 કિમી નીચે સ્થિત છે. અનેક વિસ્તારોમાં ભૂકંપના જોરદાર આંચકા અનુભવાયા છે. નેશનલ સેન્ટર ફોર સિસ્મોલોજીએ જણાવ્યું હતું કે ભૂકંપ લગભગ 9:34 કલાકે આવ્યો હતો.મનાલીમાં રહેતા લોકોએ જણાવ્યું કે તેમને ખૂબ જ જોરદાર આંચકા અનુભવાયા. આંચકા માત્ર થોડીક સેકન્ડ માટે આવ્યા હતા પરંતુ તે ખૂબ જ જોરદાર હતા, ત્યારબાદ લોકો ઘરની બહાર આવી ગયા હતા. તમને જણાવી દઈએ કે 3 માર્ચે તાઈવાનમાં 7.4ની તીવ્રતાનો ભૂકંપ આવ્યો હતો જેમાં ઘણા લોકોએ જીવ ગુમાવ્યા હતા. મળતી માહિતી મુજબ, આ ભૂકંપ છેલ્લા 25 વર્ષમાં સૌથી મજબૂત ભૂકંપ હતો.