કેન્દ્ર સરકારની નિમણૂક સમિતિએ દેશના ત્રણ મુખ્ય અર્ધલશ્કરી દળોના મહાનિર્દેશકોના નામોની કરી જાહેરાત

કેન્દ્ર સરકારની નિમણૂક સમિતિએ દેશના ત્રણ મુખ્ય અર્ધલશ્કરી દળોના મહાનિર્દેશકોના નામોની જાહેરાત કરી છે. નિમણૂક સમિતિએ કેન્દ્રીય ઔદ્યોગિક સુરક્ષા દળ (CISF) ની કમાન નીના સિંહને સોંપી દીધી છે.આ જાહેરાત સાથે IPS અધિકારી નીના સિંહ CISFના પ્રથમ મહિલા ડિરેક્ટર જનરલ (DG) બન્યા છે. અત્યાર સુધી તેમના નામે રાજસ્થાનની પ્રથમ મહિલા IPS ઓફિસર બનવાનું ગૌરવ હતું.

ઉલ્લેખનીય છે કે 1989 બેચના IPS ઓફિસર નીના સિંહ રાજસ્થાન કેડરના છે. હાલમાં તેઓ સીઆઈએસએફમાં સ્પેશિયલ ડાયરેક્ટર જનરલ તરીકે તૈનાત હતા અને ડિરેક્ટર જનરલનો ચાર્જ સંભાળી રહ્યા હતા. એપોઇન્ટમેન્ટ કમિટીના આદેશ અનુસાર, નીના સિંહની આ પોસ્ટિંગ આગામી સાત મહિના માટે છે. તેઓ 31 જુલાઈ 2024ના રોજ નિવૃત્ત થઈ રહ્યા છે.