ભારતીય હવામાન વિભાગ (IMD)એ દેશના દરિયાકાંઠાના વિસ્તારો માટે એક ગંભીર ચેતવણી કરી જાહેર

ભારતીય હવામાન વિભાગ (IMD) એ દેશના દરિયાકાંઠાના વિસ્તારો માટે એક ગંભીર ચેતવણી જાહેર કરી છે. આગાહી મુજબ, બંગાળની ખાડીમાં એક નવું સંકટ આકાર લઈ રહ્યું છે. મલેશિયા નજીક મલક્કા સ્ટ્રેટમાં સર્જાયેલું લો પ્રેશર (હવાનું હળવું દબાણ) હવે ધીમે ધીમે શક્તિશાળી બની રહ્યું છે. હવામાન વિભાગે શક્યતા વ્યક્ત કરી છે કે આ સિસ્ટમ આગામી દિવસોમાં તીવ્ર બનીને 26 November ની આસપાસ ચક્રવાત 'સેન્યાર' (Cyclone Senyar) માં પરિવર્તિત થઈ શકે છે. આ કુદરતી આપત્તિને કારણે 25 થી 29 November દરમિયાન આંદામાનથી લઈને ઓડિશા અને તમિલનાડુ સુધીના રાજ્યોમાં ભારેથી અતિભારે વરસાદ પડવાની વકી છે.

કેવી રીતે સર્જાઈ રહ્યું છે વાવાઝોડું 'સેન્યાર'?

IMD ના લેટેસ્ટ અપડેટ મુજબ, હાલમાં મલક્કા સ્ટ્રેટ પર સર્જાયેલું લો પ્રેશર પશ્ચિમ-ઉત્તર દિશામાં આગળ વધી રહ્યું છે. આવતીકાલે એટલે કે 25 November ના રોજ આ સિસ્ટમ કોમોરિન અને દક્ષિણ-પશ્ચિમ બંગાળની ખાડી તથા શ્રીલંકાના વિસ્તારોમાં પહોંચશે. ત્યારબાદના 24 કલાકમાં તે દક્ષિણ આંદામાન સમુદ્ર પર 'ડિપ્રેશન' (Depression) માં ફેરવાઈ જશે. આ પ્રક્રિયા આગળ વધતા 26 November સુધીમાં તે ચક્રવાતી તોફાનનું વિકરાળ સ્વરૂપ ધારણ કરે તેવી પ્રબળ શક્યતા છે. નોંધનીય છે કે, આ વાવાઝોડાનું નામ 'સેન્યાર' સંયુક્ત આરબ અમીરાત (UAE) દ્વારા આપવામાં આવ્યું છે, જેનો અર્થ 'સિંહ' થાય છે.

આ રાજ્યોમાં થશે મેઘતાંડવ (Rainfall Alert)

વાવાઝોડાની અસર દક્ષિણ ભારતના રાજ્યો પર સૌથી વધુ જોવા મળશે. હવામાન વિભાગે નીચે મુજબ વરસાદની આગાહી કરી છે:

તમિલનાડુ: 25 થી 27 November દરમિયાન ભારે વરસાદ, જ્યારે 24 અને 28-30 November ના રોજ અતિભારે વરસાદની ચેતવણી. 

કેરળ અને માહે: 24 થી 26 November સુધી ભારે વરસાદની શક્યતા.

આંધ્ર પ્રદેશ: 29 અને 30 November ના રોજ કાંઠાના વિસ્તારો અને યનમમાં ધોધમાર વરસાદ પડી શકે છે.

અન્ય: 24 November ના રોજ લક્ષદ્વીપમાં પણ ભારે વરસાદની આગાહી છે. આ સમયગાળા દરમિયાન પવનની ગતિ 65 થી 100 km/h રહેવાની શક્યતા છે, જે નુકસાનકારક સાબિત થઈ શકે છે.